ନୂଆଦିଲ୍ଲୀ,୧୬ ।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ୩୪୧ କିଲୋମିଟର ଲମ୍ବା ପୂର୍ବାଞ୍ଚଳ ଏକ୍ସପ୍ରେସୱେର ଉଦଘାଟନ ପାଇଁ ଉତ୍ତରପ୍ରଦେଶ ଆସୁଛନ୍ତି । ମୋଦି ଲାକହିଡ ମୋର୍ଟିନ ସି-୧୩୦ ହରକ୍ୟୁଲେସ ଏୟାରକ୍ରାପ୍ଟରୁ ଦିନ ୧ଟା ୩୦ ମିନିଟରେ ପୂର୍ବାଞ୍ଚଳ ଏକ୍ସପ୍ରେସୱେରେ ଅବତରଣ କରିବେ । ତାଙ୍କୁ ସେଠାରେ ସ୍ୱାଗତ କରିବା ପାଇଁ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଉପସ୍ଥିତ ରହିବେ । ୩୪୧ କିଲୋମିଟର ଲମ୍ବା ପୂର୍ବାଞ୍ଚଳ ଏକ୍ସପ୍ରେସୱେର ଉଦଘାଟନ ପରେ ମୋଦି ସମ୍ବୋଧନ ଦେବାର କାର୍ଯ୍ୟକ୍ରମ ରହିଛି । ଏହାପରେ ପାଖାପାଖି ଅଧଘଣ୍ଟା ପାଇଁ ଏୟାର ଶୋ’ ହେବାର ଯୋଜନା ରହିଛି । ଏଥିରେ ଫାଇଟର ଜେଟରେ ଦେଶର ଶକ୍ତି ପ୍ରଦର୍ଶନ କରାଯିବ । ଦିନ ପ୍ରାୟ ୨ଟା ୪୦ରେ ସୁଖୋଇ, ଜଗୁଆର ଓ ମିରାଜରେ ବାୟୁସେନା ତା’ର ଶକ୍ତି ପ୍ରଦର୍ଶନ କରିବ । ପୂର୍ବାଞ୍ଚଳ ଏକ୍ସପ୍ରେସୱେ ଯୋଗୀ ଆଦିତ୍ୟନାଥଙ୍କ ମେଗା ପ୍ରୋଜେକ୍ଟ । ଏହି ୩୪୧ କିଲୋମିଟର ଲମ୍ବା ଏକ୍ସପ୍ରେସୱେ ନିର୍ମାଣ ପାଇଁ ଖର୍ଚ୍ଚ ହୋଇଛି ୨୨ହଜାର ୪୯୫ କୋଟି ଟଙ୍କା । ଏହି ହାଇୱେ ମାଧ୍ୟମରେ ରାଜ୍ୟର ୯ଟି ଜିଲା ଯୋଡି ହେବ ।
