ନୂଆଦିଲ୍ଲୀ,୧୨।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏପ୍ରିଲ ୧୪ରେ ଆସାମ ଗସ୍ତ କରିବାର କାର୍ଯ୍ୟକ୍ରମ ରହିଛି। ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ପ୍ରାୟ ୧୪,୩୦୦ କୋଟି ଟଙ୍କା ମୂଲ୍ୟର ପ୍ରକଳ୍ପର ଉଦ୍ଘାଟନ କରିବେ। ପ୍ରଧାନମନ୍ତ୍ରୀ ଗୁଆହାଟୀ ଏମ୍ସ ଏବଂ ଆସାମର ଅନ୍ୟ ତିନୋଟି ମେଡିକାଲ କଲେଜ୍ର ଶୁଭାରମ୍ଭ କରିବେ ବୋଲି ଜଣାପଡିଛି। ଏଥିସହ ‘ଆପକେ ଦ୍ୱାର ଆୟୁଷ୍ମାନ’ ଅଭିଯାନ ମଧ୍ୟ ଆରମ୍ଭ କରିବେ। ଏହା ସହିତ ପାଲାଶବାଡି ଏବଂ ସୁଆଲକୁଚିଙ୍କୁ ସଂଯୋଗ କରୁଥିବା ବ୍ରହ୍ମପୁତ୍ର ନଦୀ ଉପରେ ଏକ ସେତୁର ମୂଳଦୁଆ ପକାଇବେ।