ଟୋକିଓ/ନୂଆଦିଲ୍ଲୀ,୧୯।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜି-୭ ବାର୍ଷିକ ଶିଖର ସମ୍ମିଳନୀରେ ଯୋଗ ଦେବାକୁ ଜାପାନର ହିରୋସୀମାରେ ପହଞ୍ଚିଛନ୍ତି। ମୋଦି କହିଛନ୍ତି ଜି-୭ ସମ୍ମିଳନୀରେ ଭାଗ ନେବା ସହ ସେଠାରେ ସେ କେତେଜଣ ନେତାଙ୍କ ସହ ଦ୍ୱିପାକ୍ଷିକ ଆଲୋଚନା ବି କରିବେ।
ପ୍ରଧାନମନ୍ତ୍ରୀ ମୋଦି ଜାପାନର ପ୍ରଧାନମନ୍ତ୍ରୀ ଫୁମିୟୋ କିଶିଦାଙ୍କ ନିମନ୍ତ୍ରଣରେ ହିରୋସୀମା ଯାଇଛନ୍ତି। ସୂଚନାଯୋଗ୍ୟ, ଜାପାନ, ଜି-୭ ଶିଖର ସମ୍ମିଳନୀରେ ଅଧ୍ୟକ୍ଷତା କରିବା ସହ ଶିଖର ସମ୍ମିଳନୀର ଆୟୋଜନ କରିଛି ଓ ଭାରତ ଏହାର ଅତିଥି ଦେଶଭାବେ ନିମନ୍ତ୍ରିତ ହୋଇଛି।