ନୂଆଦିଲ୍ଲୀ,୧୨।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ସାଗର ଜିଲ୍ଲାର ସନ୍ଥ ରବିଦାସ ମନ୍ଦିରର ଭିତ୍ତି ପ୍ରସ୍ତର ସ୍ଥାପନ କରିବେ। ୧୦୦କୋଟି ଟଙ୍କା ବ୍ୟୟରେ ନିର୍ମିତ ହେବାକୁ ଥିବ ଏହି ମନ୍ଦିରର ଶିଳାନ୍ୟାସ ପ୍ରଧାନମନ୍ତ୍ରୀଙ୍କ ଦ୍ୱାରା କରାଯିବ। ନାଗାରା ଶୈଳୀରେ ଏହି ମନ୍ଦିର ନିର୍ମାଣ ହେବ। ଧାନା ଗ୍ରାମରେ ପ୍ରଧାନମନ୍ତ୍ରୀଙ୍କ ସାଧାରଣ ସଭା ଅନୁଷ୍ଠିତ ହେବ। ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଚଳିତ ବର୍ଷ ଫେବୃୟାରୀ ୮ରେ ଏହି ମନ୍ଦିର ନିର୍ମାଣ ପାଇଁ ଘୋଷଣା କରିଥିଲେ। ଏହି ମନ୍ଦିର ବିଶ୍ୱାସ ସହିତ ଏକ ବଡ଼ ଗବେଷଣା କେନ୍ଦ୍ରରେ ପରିଣତ ହେବ।
ପ୍ରଧାନମନ୍ତ୍ରୀ ଅପରାହ୍ନ ୧ଟାରେ ନୂଆଦିଲ୍ଲୀରୁ ଖଜୁରାହୋ ବିମାନବନ୍ଦରରେ ପହଞ୍ଚିବେ। ଅପରାହ୍ନ ୨ଟା ୧୫ରେ ସନ୍ଥ ରବିଦାସଙ୍କ ୧୦୦ କୋଟି ଟଙ୍କା ମୂଲ୍ୟରେ ବାଦଟୁମା ଠାରେ ଥିବା ସ୍ମୃତି ମନ୍ଦିରର ମୂଳଦୁଆ ଏବଂ ଭିତ୍ତି ପ୍ରସ୍ତର ସ୍ଥାପନ କରିବେ। ଏହି କାର୍ଯ୍ୟକ୍ରମରେ ଉଜ୍ଜୟିନି, ହରିଦ୍ୱାର, ଜବଲପୁର, ରାଜସ୍ଥାନ ଏବଂ ଅନ୍ୟାନ୍ୟ ସ୍ଥାନରୁ ପ୍ରାୟ ୫୦୦ସାଧୁ ଅଂଶଗ୍ରହଣ କରିବେ।
