ନୂଆଦିଲ୍ଲୀ,୫।୨: ୫ ରାଜ୍ୟରେ ବାଜିଛି ନିର୍ବାଚନ ବିଗୁଲ। ଏହାକୁ ନେଇ ରାଜନୀତି ପାଣିପାଗ ସରଗରମ ରହିଥିବା ବେଳେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଚାର ମଙ୍ଗ ଧରିବେ ବୋଲି ଜଣାପଡ଼ିଛି। ଫେବୃୟାରୀ ୭ରେ ୟୁପି ବିଜେନୋରରେ କର୍ମକର୍ତ୍ତାମାନଙ୍କୁ ସେ ସମ୍ବୋଧିତ କରିବେ। ଉତ୍ତରପ୍ରଦେଶ ନିର୍ବାଚନର ପ୍ରଥମ ପର୍ଯ୍ୟାୟ ଲାଗି ମତଦାନ ଫେବୃୟାରୀ ୧୦ରେ ଅନୁଷ୍ଠିତ ହେବ। ଏହାକୁ ଦେଖିଲେ ମୋଦିଙ୍କ ଏହି ସଭା ଅତ୍ୟନ୍ତ ଗୁରୁତ୍ୱପୁର୍ଣ୍ଣ ବୋଲି ବିବେଚନା କରାଯାଉଛି।
ବିଜନୋରରେ ପ୍ରଧାନମନ୍ତ୍ରୀ ରାଲି କରିବେ। ଏହି ସମୟରେ ସେ ୧୮ ବିଧାନସଭାକୁ ଟାର୍ଗେଟ କରି ପ୍ରଚାର କରିବେ। ନିର୍ବାଚନ ଆୟୋଗଙ୍କ ନୂତନ ନିର୍ଦ୍ଦେଶାବଳୀକୁ ଦୃଷ୍ଟିରେ ରଖି ସମାବେଶରେ ପ୍ରାୟ ଏକ ହଜାର କର୍ମୀ ଅଂଶଗ୍ରହଣ କରିବେ। ଭର୍ଚୁଆଲି ପ୍ରଧାନମନ୍ତ୍ରୀ ସେମାନଙ୍କ ସହ ଯୋଡ଼ି ହେବେ। ଏହାପରେ ପ୍ରଧାନମନ୍ତ୍ରୀ ଫେବୃୟାରୀ ୭ ଅପରାହ୍ନ ୨.୩୦ରୁ ଉତ୍ତରାଖଣ୍ଡବାସୀଙ୍କ ସହ ଭର୍ଚୁଆଲି ଯୋଡ଼ି ହୋଇ ଦଳ ପାଇଁ ପ୍ରଚାର କରିବେ।
ସୂଚନାଯୋଗ୍ୟ , ୟୁପିରେ ୭ ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ପ୍ରଥମ ପର୍ଯ୍ୟାୟ ଫେବୃୟାରୀ ୧୦ରେ ଏବଂ ଶେଷ ପର୍ଯ୍ୟାୟ ଭୋଟ ମାର୍ଚ୍ଚ ୭ରେ କରାଯିବ। ସେହିମଳି ମାର୍ଚ୍ଚ ୧୦ରେ ଫଳାଫଳ ଘୋଷଣା କରାଯିବ।