ନୂଆଦିଲ୍ଲୀ,୯।୧୨: କଂଗ୍ରେସ ନେତା ସୋନିଆ ଗାନ୍ଧୀ ଶୁକ୍ରବାର ନିଜର ୭୬ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋନିଆ ଗାନ୍ଧୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଶୁକ୍ରବାର ମୋଦି ଟୁଇଟ କରି ତାଙ୍କର ଦୀର୍ଘାୟୁ ଓ ସ୍ବାସ୍ଥ୍ୟ କାମନା କରିଛନ୍ତି। ବର୍ତ୍ତମାନ ସୋନିଆ ରାଜସ୍ଥାନରେ ଅଛନ୍ତି। ସଓ୍ବାଇ ମାଧପୁରର ରଣଥାମ୍ବୋରରେ ସୋନିଆଙ୍କ ଜନ୍ମଦିନ ବହୁ ଆଡ଼ମ୍ବରରେ ପାଳନ କରିବା ପାଇଁ ପ୍ରସ୍ତୁତି ଚାଲିଛି। ଏହାପୂର୍ବରୁ ସୋନିଆ ଗାନ୍ଧୀ ଗୁରୁବାର ତାଙ୍କ ପରିବାର ସହ ରଣଥାମ୍ବୋରରେ ଟାଇଗର ସଫାରିର ମଜା ଉଠାଇଥିଲେ। ଅନ୍ୟପଟେ କଂଗ୍ରେସ ନେତା ମଧ୍ୟ ସୋନିଆଙ୍କ ଜନ୍ମଦିନର ଶୁଭେଚ୍ଛା ଜଣାଇଛନ୍ତି।
