ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମା’ ହୀରାବେନଙ୍କ ଶୁକ୍ରବାର ସକାଳେ ୧୦୦ ବର୍ଷ ବୟସରେ ଅହମ୍ମଦାବାଦର ଏକ ଘରୋଇ ହସ୍ପିଟାଲରେ ପରଲୋକ ହୋଇଛି। ହୀରାବେନ ଗୁଜରାଟର ପାଲନପୁରରେ ଜନ୍ମଗ୍ରହଣ କରିଥିଲେ। ବିବାହ ପରେ ସେ ବଡ଼ନଗରକୁ ଚାଲିଯାଇଥିଲେ। ଯେତେବେଳେ ସେ ବିବାହ କରିଥିଲେ, ସେତେବେଳେ ହୀରାବେନଙ୍କୁ ମାତ୍ର ୧୫-୧୬ବର୍ଷ ହୋଇଥିଲା। ଘରର ଦୁର୍ବଳ ଅର୍ଥନୈତିକ ଏବଂ ପାରିବାରିକ ଅବସ୍ଥା ହେତୁ ସେ ଅଧ୍ୟୟନ କରିବାର ସୁଯୋଗ ପାଇ ନ ଥିଲେ, କିନ୍ତୁ ସେ ପିଲାମାନଙ୍କୁ ଶିକ୍ଷା ଦେବା ପାଇଁ ଅନ୍ୟ ଘରେ କାମ କରିବାକୁ ରାଜି ହୋଇଥିଲେ। ସେ କେବେବି ଦେୟ ଦେବାକୁ କାହାଠାରୁ ଋଣ ନେଇ ନ ଥିଲେ। ହୀରାବେନ୍ ଚାହୁଁଥିଲେ ଯେ, ତାଙ୍କର ସମସ୍ତ ପିଲା ପଢ଼ାଲେଖା କରି ଉଚ୍ଚଶିକ୍ଷିତ ହୁଅନ୍ତୁ।
ମୋଦିଙ୍କ ବଡ଼ ଭାଇ ପ୍ରହଲ୍ଲାଦ ମୋଦି ଏକ ସାକ୍ଷାତକାରରେ କହିଥିଲେ, ମା’ ସମସ୍ତ ପ୍ରକାରର ଘରୋଇ ଉପଚାର ଜାଣିଥିଲେ। ବଡ଼ନଗରର ଛୋଟ ପିଲା ଏବଂ ମହିଳାମାନଙ୍କ ଚିକିତ୍ସାରେ ସହାୟକ ହେଉଥିଲେ। ସେ କହିଛନ୍ତି, ମୋ ମା’ ନିଶ୍ଚିତ ଭାବରେ ଅଶିକ୍ଷିତ ଥିଲେ, କିନ୍ତୁ ପୂରା ଗାଁ ତାଙ୍କୁ ଡାକ୍ତର ବୋଲି ମାନୁଥିଲେ।
ହୀରାବେନଙ୍କ ପ୍ରତି ପ୍ରଧାନମନ୍ତ୍ରୀଙ୍କ ପ୍ରେମ ଏବଂ ସମ୍ମାନ ଜଣାଶୁଣା। ସେ ପ୍ରାୟତଃ ମା’ଙ୍କ କଥା ମନେ ରଖନ୍ତି। ସେ ଅନେକ କାର୍ଯ୍ୟକ୍ରମରେ ହୀରାବେନଙ୍କ ବିଷୟରେ ମଧ୍ୟ ଉଲ୍ଲେଖ କରିଥିଲେ। ବେଳେବେଳେ ସେ ପୁରୁଣା ଦିନଗୁଡ଼ିକୁ ମନେ ପକାଇ ଭାବପ୍ରବଣ ହୋଇଥା’ନ୍ତି।
ହୀରାବାଇଙ୍କ ଜୀବନ ସଂଘର୍ଷମୟ ଥିଲା। ପରିବାର ଚଳାଇବା ପାଇଁ ହୀରା ଲୁଗା ବୁଣୁଥିଲେ। ଏକଥା ମୋଦି ତାଙ୍କ ବ୍ଲଗରେ ଲେଖିଛନ୍ତି, ତାଙ୍କ ମା’କେବଳ ଘରର ସମସ୍ତ କାମ କରୁ ନ ଥିଲେ ବରଂ ପରିବାର ପ୍ରତିପୋଷଣ ପାଇଁ ଅନ୍ୟମାନଙ୍କ ପାଇଁ ମଧ୍ୟ କାମ କରୁଥିଲେ। ସେ କିଛି ଲୋକଙ୍କ ଘରେ ବାସନକୁସନ ବି ମାଜି ପରିବାର ଚଳାଉଥିଲେ। ପ୍ରଧାନମନ୍ତ୍ରୀ ଅନେକ ସମୟରେ ମନେ ପକାଉଥିଲେ ଯେ, ବଡ଼ନଗରର ସେହି ଛୋଟ ଘର, ଯାହାର କାନ୍ଥ ମାଟିରେ ତିଆରି ହୋଇଥିଲା। ଯେଉଁଠାରେ ସେ ତାଙ୍କ ମା’ ବାପା ଏବଂ ଭଉଣୀଭାଇଙ୍କ ସହିତ ରହୁଥିଲେ। ମୋଦି ତାଙ୍କ ମା’ ପ୍ରତିଦିନ କିପରି ସଫଳତାର ସହ ପରାଜିତ ହେଉଥିଲେ ସେନେଇ ଅନେକ ଅସୁବିଧା ଅନେକ ସମୟରେ କହିଛନ୍ତି।