ନୂଆଦିଲ୍ଲୀ,୩୧ା୧- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ରେଡିଓ କାର୍ଯ୍ୟକ୍ରମ ‘ମନ କି ବାତ୍’ରେ ଅଷ୍ଟ୍ରେଲିଆରେ ଭାରତୀୟ ଦଳର ପ୍ରଦର୍ଶନକୁ ପ୍ରଶଂସା କରିଛନ୍ତି। ଏହା ଟିମ୍ ଇଣ୍ଡିଆକୁ ଆହୁରି ଶକ୍ତିଶାଳୀ କରିବ ବୋଲି ଟୁଇଟ୍ କରିଛନ୍ତି ମୁଖ୍ୟ କୋଚ୍ ରବି ଶାସ୍ତ୍ରୀ।
”ଜାନୁୟାରୀରେ କ୍ରିକେଟ ପିଚ୍ରୁ ଆସିଛି ବହୁତ ଭଲ ଖବର। ଆମ ଦଳ ପ୍ରାରମ୍ଭିକ ବିଫଳତା ପରେ ଜବରଦସ୍ତ ଢଙ୍ଗରେ ଅଷ୍ଟ୍ରେଲିଆରେ ସିରିଜ୍ ଜିତିଲା। ଆମ ଖେଳାଳିଙ୍କ କଠିନ ପରିଶ୍ରମ ଓ ଟିମ୍ ଓ୍ବର୍କ ପ୍ରେରଣା ଯୋଗ୍ୟ“ ବୋଲି ମନ କି ବାତ୍ କାର୍ଯ୍ୟକ୍ରମରେ କହିଥିଲେ ପ୍ରଧାନମନ୍ତ୍ରୀ ମୋଦି। ଏହାପରେ ଶାସ୍ତ୍ରୀ ଟୁଇଟ୍ କରି ଲେଖିଥିଲେ, ”ସାର ଧନ୍ୟବାଦ୍। ଆପଣଙ୍କ ଶବ୍ଦ ଟିମ୍ ଇଣ୍ଡିଆକୁ ଆହୁରି ଶକ୍ତିଶାଳୀ କରିବ। ଚାପରେ ଭଲ ପ୍ରଦର୍ଶନ କରିବାକୁ ଚେଷ୍ଟା କରୁଛୁ। ଜୟ ହିନ୍ଦ “। ହସ୍ପିଟାଲରୁ ଫେରିବା ପରେ ବିସିସିଆଇ ସଭାପତି ସୌରଭ ଗାଙ୍ଗୁଲି ମଧ୍ୟ ଟୁଇଟ ଜରିଆରେ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ୍ ଦେଇଛନ୍ତି।