ନୂଆଦିଲ୍ଲୀ,୨୪।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦିନିଆ ରାଜସ୍ଥାନ ଏବଂ ଗୁଜରାଟ ଗସ୍ତରେ ଯିବେ। ପ୍ରଥମେ ପ୍ରଧାନମନ୍ତ୍ରୀ ଗୁରୁବାର ନିର୍ବାଚନ ରାଜ୍ୟ ରାଜସ୍ଥାନକୁ ଯିବେ। ଭିତ୍ତିପ୍ରସ୍ତର ସ୍ଥାପନ କରିବେ ଏବଂ ପୂର୍ବାହ୍ନ ୧୧.୧୫ରେ ସିକରରେ ବିଭିନ୍ନ ବିକାଶମୂଳକ ପ୍ରକଳ୍ପର ଉଦଘାଟନ କରିବେ । ଏହା ପରେ ସିକରରେ ଏକ ସାଧାରଣ ସଭାରେ ଯୋଗ ଦେବେ। ଏହାପରେ ରାଜକୋଟ ଯିବେ। ଅପରାହ୍ନ ୩ଟାରେ ରାଜକୋଟ ଗ୍ରୀନଫିଲ୍ଡ ଅନ୍ତର୍ଜାତୀୟ ବିମାନବନ୍ଦର ପରିଦର୍ଶନ କରିବେ। ଗାନ୍ଧୀନଗର ରାଜଭବନରେ ରାତିରେ ରହିବେ ଏବଂ ସେଠାରେ କିଛି ବୈଠକ ହେବ। ପରଦିନ ଗାନ୍ଧିନଗରରେ ମହାତ୍ମା ମନ୍ଦିରରେ ସେମିକନ ଇଣ୍ଡିଆ ସମ୍ମିଳନୀରେ ଅଂଶଗ୍ରହଣ କରିବେ।