ନୂଆଦିଲ୍ଲୀ,୧୬ ।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଭିଡିଓ କନଫରେନସିଂ ଜରିଆରେ ଶ୍ରାବସ୍ତିର ମହାନ ଯୋଦ୍ଧା ମହାରାଜା ସୁହେଲଦେବଙ୍କ ୪.୨୦ ମିଟର ଉଚ୍ଚ ପ୍ରତିମାର ନିର୍ମାଣ ସମେତ ସ୍ମାରକର ଶିଳାନ୍ୟାସ କରିଛନ୍ତି । ଏହି ସମୟରେ ପ୍ରଧାନମନ୍ତୀ ତାଙ୍କ ସମ୍ବୋଧନରେ ଦେଶବାସୀଙ୍କୁ ବସନ୍ତ ପଞ୍ଚମୀର ଶୁଭକାମନା ଜଣାଇଛନ୍ତି । ଏହାସହ ମହାରାଜା ସୁହେଲଦେବଙ୍କ ନାଁରେ ଯେଉଁ ମେଡିକାଲ କଲେଜ ହୋଇଛି ତାହାଦ୍ୱାରା ସାଧାରଣ ଜନତା ଉପକୃତ ହେବେ ବୋଲି ସେ କହିଛନ୍ତି । ସେ କହିଛନ୍ତି ଦେଶର ଇତିହାସ ତା’ନୁହେଁ ଯାହା ଦେଶକୁ ଗୁଲାମ କରୁଥିବା ଓ ଗୁଲାମ ମାସିକତା ସହ ଖେଳୁଥିବା ଲୋକେ ଲେଖିଛନ୍ତି । ଦେଶର ଇତିହାସ ସେହି ଯାହାକୁ ସାଧାରଣ ଜନତା ଲେଖିଛନ୍ତି । ଦେଶର କେତେକ ନାୟିକା-ନାୟକଙ୍କୁ ଇତିହାସରେ ସ୍ଥାନ ଦିଆଯାଇନାହିଁ କେବେ ସେମାନଙ୍କୁ ସମ୍ମାନ ଦିଆଯାଇନାହିଁ ଯାହାକୁ ଆଜି ଦେଶ ସୁଧାରିବାରେ ଲାଗିଛି । ନେତାଜୀ ସୁଭାଷ ଚନ୍ଦ୍ର ବୋଷ ଆଜାଦ ହିନ୍ଦ ଭାରତ ପୂର୍ବରୁ ପ୍ରଥମ ପ୍ରଧାନମନ୍ତ୍ରୀ ଥିଲେ, ହେଲେ ଆଜାଦ ହିନ୍ଦ ଫୌଜକୁ କେବେବି ସେମିତି ସମ୍ମାନ ଦିଆଯାଇ ନାହିଁ । ସେହିପରି ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ସହ ଯାହା ହୋଇଛି ତାହା ହୁଏତ ସମସ୍ତଙ୍କୁ ଜଣା । ହେଲେ ଆମ ସରକାର ପଟେଲଙ୍କର ସବୁଠାରୁ ଉଚ୍ଚ ମୂର୍ତ୍ତି ନିର୍ମାଣ କରିଛି ।
