ନୂଆଦିଲ୍ଲୀ,୯ ।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାରଠାରୁ ୧୧ ଅକ୍ଟୋବର ପର୍ଯ୍ୟନ୍ତ ୩ ଦିନିଆ ଗୁଜରାଟ ଗସ୍ତରେ ଯାଉଛନ୍ତି । ଏହାପରେ ସେ ୧୧ ଅକ୍ଟୋବରକୁ ମଧ୍ୟପ୍ରଦେଶ ଗସ୍ତରେ ଯିବେ । ରବିବାର ସେ ତାଙ୍କ ଗସ୍ତ ମୋହସାଣାର ମୋଦେରାରୁ ଆରମ୍ଭ କରିବେ । ସେଠାରେ ସେ ସନ୍ଧ୍ୟା ପ୍ରାୟ ୫ଟା ୩୦ରେ ବିଭିନ୍ନ ପରିଯୋଜନାର ଉଦ୍ଘାଟନ ଓ ଶିଳାନ୍ୟାସ କରିବେ । ସନ୍ଧ୍ୟା ପ୍ରାୟ ୬ଟା ୪୫ରେ ମୋଧେଶ୍ୱରୀ ମାତା ମନ୍ଦିରରେ ଦର୍ଶନ ଓ ପୂଜା କରିବାର କାର୍ଯ୍ୟକ୍ରମ ରହିଛି । ସନ୍ଧ୍ୟା ୭ଟା ୩୦ରେ ମୋଦି ସୂର୍ଯ୍ୟ ମନ୍ଦିର ଯିବେ ।
ତେବେ ଗୁଜରାଟ ବିଧାନସଭା ନିର୍ବାଚନ ପୂର୍ବରୁ ମୋଦିଙ୍କ ଏହି ଲମ୍ବା ଯାତ୍ରାକୁ ନେଇ ରାଜନୀତି ହୋଇଛି ସରଗରମ । ବିଧାନସଭା ନିର୍ବାଚନରେ ବିଜୟ ହାସଲ କରିବାକୁ ସେ ରାଜ୍ୟକୁ ବିକାଶର ‘ବୁଷ୍ଟର ଡୋଜ’ ଦେବେ ବୋଲି କୁହାଯାଉଛି ।