ନୂଆଦିଲ୍ଲୀ,୨୬ ।୬: ଜର୍ମାନୀରେ ହେବାକୁ ଯାଉଥିବା ଦୁଇ ଦିବସୀୟ ଜି-୭ ଶିଖର ସମ୍ମିଳନୀରେ ଭାଗନେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ତାଙ୍କ ଯାତ୍ରା ଆରମ୍ଭ କରିଛନ୍ତି । ଏହି ସମୟରେ ସେ ୟୁଏଇ ଗସ୍ତ କରିବେ । ଏହି ଗସ୍ତ ପୂର୍ବରୁ ମୋଦି କହିଥିଲେ ଶିଖର ସମ୍ମିଳନୀରେ ଭାଗ ନେଉଥିବା ଦେଶ ଗୁଡିକର ନେତାଙ୍କ ସହ ସେ ଦ୍ୱିପାକ୍ଷିକ ବୈଠକ ଓ ଚର୍ଚ୍ଚା କରିବେ । ଏହାସହ ଏକ କାର୍ଯ୍ୟକ୍ରମରେ ସେ ଭାରତୀୟଙ୍କୁ ସମ୍ବୋଧିତ କରିବେ । ୨୬ ଓ ୨୭ ଜୁନକୁ ହେବାକୁ ଥିବା ଏହି ଶିଖର ସମ୍ମିଳନୀରେ ୟୁକ୍ରେନ୍-ରୁଷିଆ ଯୁଦ୍ଧ, ହିନ୍ଦ ପ୍ରଶାନ୍ତ କ୍ଷେତ୍ରର ସ୍ଥିତି, ଖାଦ୍ୟ ଏବଂ ଶକ୍ତି ସୁରକ୍ଷା, ଜଳବାୟୁ ସହିତ ମହତ୍ୱପୂର୍ଣ୍ଣ ଚ୍ୟାଲେଞ୍ଜକୁ ନେଇ ଆଲୋଚନା ହେବ ।
