କ’ଣ ଏହି ‘ସମୋସା କାଂକସ’, ୟୁଏସ କଂଗ୍ରେସରେ ଉଠିବା ପରେ ବାଜିଲା କରତାଳି

ଓ୍ବାଶିଂଟନ,୨୩।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଆମେରିକା ଗସ୍ତର ଦ୍ୱିତୀୟ ଦିନ ଗୁରୁବାର ଆମେରିକା କଂଗ୍ରେସର ମିଳିତ ଅଧିବେଶନକୁ ସମ୍ବୋଧିତ କରିଛନ୍ତି। ଦୁଇ ଦେଶ ମଧ୍ୟରେ ଥିବା ଐତିହାସିକ ସମ୍ପର୍କ ମଧ୍ୟରେ ମାଦି କହିଛନ୍ତି ଯେ ଭାରତରେ ଲକ୍ଷ ଲକ୍ଷ ଆମେରିକୀୟ ଲୋକଙ୍କର ମୂଳ ରହିଛି। ଏହି ସମୟରେ ଯେତେବେଳେ ପ୍ରଧାନମନ୍ତ୍ରୀ ମୋଦୀ ହାଉସରେ ସାମୋସା କାଂକସ ବିଷୟରେ ଉଲ୍ଲେଖ କରିଥିଲେ, ସେତେବେଳେ ଗୃହ କରତାଳିରେ ଫାଟି ପଡିଥିଲା। ସାମୋସା କାଂକସ ପ୍ରଥମେ ୨୦୧୬ରେ ଆଲୋଚନା ହୋଇଥିଲା ଯେତେବେଳେ ପ୍ରଥମ ଥର ପାଇଁ ଆମେରିକାର ସଂସଦରେ ୫ଜଣ ଭାରତୀୟ ମୂଳ ସାଂସଦ ନିର୍ବାଚିତ ହୋଇଥିଲେ। ଏହି ସଦସ୍ୟମାନେ ପ୍ରାୟତଃ ପରସ୍ପରକୁ ଭେଟିଥିଲେ। ଆମେରିକା ଲୋକସଭାର ସଦସ୍ୟ ରାଜା କୃଷ୍ଣମୂର୍ତ୍ତି ମଧ୍ୟ ସେମାନଙ୍କ ମଧ୍ୟରେ ଥିଲେ, ଯିଏ ଏହି କ୍ଲବକୁ ସାମୋସା କାଂକସ ନାମ ଦେଇଥିଲେ। ଆମେରିକାର ରାଜନୈତିକ ଦୃଶ୍ୟପଟରେ ଦକ୍ଷିଣ ଏସୀୟ ବଂଶର ବଢୁଥିବା ପ୍ରତିନିଧିତ୍ୱକୁ ବର୍ଣ୍ଣନା କରିବା ପାଇଁ ଏହା ବର୍ତ୍ତମାନ ବ୍ୟବହୃତ ହୋଇଛି।