‘କାଶୀ ପର୍ଯ୍ୟନ୍ତ ପହଞ୍ଚିଛି ବିକାଶର ଏଜେଣ୍ଡା’, ଜି-୨୦ ବୈଠକରେ କହିଲେ ମୋଦି- ‘ମଦର ଅଫ ଡେମୋକ୍ରେସି’ର ସବୁଠାରୁ ପୁରୁଣା ସହରକୁ ସ୍ବାଗତ

ନୂଆଦିଲ୍ଲୀ,୧୨।୬: ଉତ୍ତର ପ୍ରଦେଶର ବାରାଣସୀରେ ସୋମବାର ଜି-୨୦ ଦେଶର ଡେଭଲପମେଣ୍ଟ ମିନିଷ୍ଟରଙ୍କ ବୈଠକ ହେଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ବୈଠକକୁ ଭିଡିଓ କନଫରେନସିଂ ଜରିଆରେ ସମ୍ବୋଧିତ କରି ପ୍ରତିନିଧିମାନଙ୍କୁ ସ୍ବାଗତ କରିଛନ୍ତି। ପ୍ରଧାନମନ୍ତ୍ରୀ ମୋଦି କହିଛନ୍ତି, ମୁଁ ଆପଣ ସମସ୍ତଙ୍କୁ ପୁରାତନ ଜୀବନ୍ତ ସହର ‘ମଦର ଅଫ ଡେମୋକ୍ରାସି’କୁ ସ୍ବାଗତ କରୁଛି। ମୁଁ ଖୁସି ଯେ ଜି -୨୦ ର ବିକାଶ ଏଜେଣ୍ଡା କାଶୀରେ ମଧ୍ୟ ପହଞ୍ଚିଛି।
ପ୍ରଧାନମନ୍ତ୍ରୀ ଆହୁରି କହିଛନ୍ତି, ଗ୍ଲୋବାଲ ସାଉଥ ପାଇଁ ବିକାଶ ଏକ ପ୍ରମୁଖ ପ୍ରସଙ୍ଗ। ସ୍ଥାୟୀ ବିକାଶ ଲକ୍ଷ୍ୟକୁ ପଛକୁ ନଦେବା ଆମର ସାମୂହିକ ଦାୟିତ୍ୱ। ଆମକୁ ନିଶ୍ଚିତ କରିବାକୁ ହେବ ଯେ କେହି ପଛରେ ନାହାଁନ୍ତି। ଗ୍ଲୋବାଲ ସାଉଥ ଦେଶଗୁଡିକ ବିଶ୍ୱର କୋଭିଡ ମହାମାରୀ ଦ୍ୱାରା ସୃଷ୍ଟି ହୋଇଥିବା ବ୍ୟାଘାତ ଯୋଗୁ ଗୁରୁତର ଭାବରେ ପ୍ରଭାବିତ ହୋଇଥିଲେ ଏବଂ ଭୌଗୋଳିକ ରାଜନୈତିକ ତିକ୍ତତା କାରଣରୁ ଖାଦ୍ୟ, ଇନ୍ଧନ ଏବଂ ସାର ସଙ୍କଟ ଅନ୍ୟ ଏକ ଝଟକା ଦେଇଛି। ଏପରି ପରିସ୍ଥିତିରେ ଆପଣ ଯେଉଁ ନିଷ୍ପତ୍ତି ନିଅନ୍ତି ତାହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।