ପ୍ରତିରକ୍ଷା ଏବଂ ଶିଳ୍ପ କ୍ଷେତ୍ରରେ ନୂଆ ମାଇଲଖୁଣ୍ଡ ସ୍ଥାପନ କରିବ କି ମୋଦିଙ୍କ ଆମେରିକା ଗସ୍ତ

ନୂଆଦିଲ୍ଲୀ/ଓ୍ବାଶିଂଟନ୍‌,୨୨।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବର୍ତ୍ତମାନ ଆମେରିକା ଗସ୍ତରେ ଅଛନ୍ତି। ତେବେ ମୋଦିଙ୍କ ଗସ୍ତକୁ ଭାରତ ପାଇଁ ଐତିହାସିକ ମୁହୂର୍ତ୍ତ ବୋଲି କୁହାଯାଉଛି। ଏହି ଗସ୍ତ ଦୁଇ ଦେଶ ମଧ୍ୟରେ ସମ୍ପର୍କକୁ ଏକ ନୂଆ ଦିଗ ଦେଖାଇବ ବୋଲି ଆଲୋଚନା କରାଯାଉଛି। କୂଟନୈତିକ ଦୃଷ୍ଟିକୋଣରୁ ପ୍ରଧାନମନ୍ତ୍ରୀଙ୍କ ଗସ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି। ଆମେରିକାରେ ଏନେଇ ଉତ୍ସାହ ଦେଖିବାକୁ ମିଳିଛି। ମୋଦିଙ୍କ ଏହି ତିନି ଦିନିଆ ଗସ୍ତ ପ୍ରତିରକ୍ଷା ଏବଂ ଶିଳ୍ପ ସହଯୋଗ ଦିଗରେ ଏକ ନୂଆ ମାଇଲଖୁଣ୍ଟ ହୋଇପାରେ ବୋଲି କୁହାଯାଉଛି।

ଗସ୍ତର ବିଶେଷ ମହତ୍ତ୍ୱ ରହିଛି। କାରଣ ଏହା ସମଗ୍ର ବିଶ୍ୱ ପାଇଁ ବିଶେଷ କରି ଆମ ପଡୋଶୀ ଦେଶ ଚାଇନାକୁ ଏକ ଗୁରୁତ୍ୱପୂର୍ଣ୍ଣ ବାର୍ତ୍ତା ଦେଉଛି। ଗତ କିଛି ବର୍ଷ ମଧ୍ୟରେ ଅନ୍ତର୍ଜାତୀୟ ବଜାରରେ ଚାଇନାର ପ୍ରାଧାନ୍ୟ ବୃଦ୍ଧି ପାଇଛି। ଏଥିସହ କ୍ରମାଗତ ଭାବରେ ଭାରତ-ପ୍ରଶାନ୍ତ ମହାସାଗରରେ ନିଜର ଗତିବିଧି ବଢାଇବାରେ ଲାଗିଛି। ସେହିପରି ଚାଇନା ସହ ଭାରତର ସୀମା ବିବାଦ ବହୁ ଦିନ ଧରି ଚାଲୁ ରହିଛି।

ଅନ୍ୟପକ୍ଷରେ ଆମେରିକା ଜାଣିଛି ଚାଇନା ସହିତ ପ୍ରତିଦ୍ୱନ୍ଦ୍ୱିତା କରିବାକୁ ହେଲେ ଭାରତର ସପକ୍ଷତା ନିହାତି ଆବଶ୍ୟକ। ଏଭଳି ପରିସ୍ଥିତିରେ ଚୀନର ଏକଛତ୍ରବାଦୀକୁୁ ରୋକିବା ପାଇଁ ଏହି ଗସ୍ତକୁ ସ୍ବତନ୍ତ୍ର ବିବେଚନା କରାଯାଉଛି। ସେହିପରି କଞ୍ଚାମାଲ ଏବଂ ଅନ୍ୟାନ୍ୟ ମାନବ ଶକ୍ତି ପାଇଁ ଚାଇନା ଉପରେ ନିର୍ଭର କରିବାକୁ ପଡିବ ନାହିଁ।

ଆତଙ୍କବାଦୀ ନିପାତ, ଦରବୃଦ୍ଧି, ରଣନୀତି ଏବଂ ବୁଝାମଣା କ୍ଷେତ୍ରରେ ଏହା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ। ପ୍ରତିରକ୍ଷା ଏବଂ ଶିଳ୍ପ କ୍ଷେତ୍ରରେ ପାରସ୍ପରିକ ସମନ୍ବୟକୁ ମଜବୁତ କରିବାରେ ସଫଳ ଭୂବିକା ନିର୍ବାହ କରିବ। ବିଶ୍ୱର ସବୁଠାରୁ ଶକ୍ତିଶାଳୀ ରାଷ୍ଟ୍ର ସହ ସୁସମ୍ପର୍କ ରହିବା ଦ୍ୱାରା ଭାରତ ପାଇଁ କୂଟନୈତିକ କ୍ଷେତ୍ରରେ ଫଳପ୍ରଦ ସାବ୍ୟସ୍ତ ହେବ।

ତେବେ କୁହାଯାଉଛି କି,ଯଦି ଉଭୟ ଦେଶ ପ୍ରତିରକ୍ଷା କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ଚୁକ୍ତିରେ ପହଞ୍ଚନ୍ତି ତେବେ ଏହା ଏକ ବଡ ପରିବର୍ତ୍ତନର ଆରମ୍ଭ ହେବ। ବିଶେଷକରି ଯୁଦ୍ଧ ବିମାନ ପାଇଁ ଜିଇ ୪୧୪ଜେଟ ଇଞ୍ଜିନ ଉତ୍ପାଦନରେ ଭାରତ ଆତ୍ମର୍ନିଭରଶୀଳତା ଆଡକୁ ଗତି କରିବ। ରଣନୀତି ପାଇଁ ବୈଷେୟିକ ସହଭାଗୀତାକୁ ଏବଂ ଶକ୍ତି କ୍ଷେତ୍ରରେ ଚୁକ୍ତି ହେଲେ ପରିବେଶ ପାଇଁ ଏହା ଗୁରୁତ୍ୱପୂର୍ଣ୍ଣ ପ୍ରଭାବ ପକାଇବ।

ବିଶେଷ କଥା ହେଉଛି ଆମେରିକାରେ ପାଞ୍ଚ ଲକ୍ଷରୁ ଅଧିକ ଭାରତୀୟ ବାସ କରନ୍ତି। ଯାହା ଦ୍ୱିତୀୟ ବୃହତ୍ତମ ପ୍ରବାସୀ ଦେଶ ଅଟେ। ମୋଦି ଆମେରିକା ଗସ୍ତ ସମୟରେ ସେଠାରେ ଥିବା ଭାରତୀୟ ସମ୍ପ୍ରଦାୟଙ୍କ ସହ ସାକ୍ଷାତ କରନ୍ତି। ଭାରତୀୟ ସମ୍ପ୍ରଦାୟକୁ ସମ୍ବୋଧିତ କରିବା ସମୟରେ ସେ ଦେଇଥିବା ଭାରତର ଏକତାର ବାର୍ତ୍ତା ଏକ ମନୋବଳ ବୃଦ୍ଧି କରିଥାଏ। ଯେତେବେଳେ ଆମେରିକୀୟମାନେ ମୋଦିଙ୍କ ପାଇଁ ଭାରତୀୟ ପ୍ରବାସୀମାନଙ୍କ ସହିତ ଠିଆ ହୁଅନ୍ତି, ସେତେବେଳେ ତାଙ୍କର ବାର୍ତ୍ତା ସୂଦୁର ବ୍ୟାପିଥାଏ।