ଲାରୁନ୍ସ (ଫ୍ରାନ୍ସ), ୮ା୯ (ଏପି): ରବିବାର ଏକ କ୍ଲୋଜ୍ ସ୍ପ୍ରିଣ୍ଟ୍ ଫିନିଶରେ ରଗଲିକ୍ ଓ ମାର୍କ ହିରସ୍କି (ଟିମ୍ ସନ୍ଓ୍ବେବ୍)କୁ ପଛରେ ପକାଇ ଟାଡେଜ୍ ପୋଗାକାର (ୟୁଏଇ ଟିମ୍ ଏମିରେଟ୍ସ) ଟୁର୍ ଡି’ ଫ୍ରାନ୍ସ ସାଇକେଲ ରେସ୍ର ନବମ ଷ୍ଟେଜ୍ ଜିତିଛନ୍ତି। ଅନ୍ୟପକ୍ଷରେ ପ୍ରିମୋଜ୍ ରଗଲିକ୍ (ଜୁମ୍ବୋ-ଭିଷ୍ଣା)ବ୍ରିଟେନର ଆଡାମ ୟେଟ୍ସ (ମିଚେଲଟନ ସ୍କଟ୍)ଙ୍କଠାରୁ ୟଲୋ ଜର୍ସି କବ୍ଜା କରି ନେଇଛନ୍ତି। ଇଗାନ ବର୍ନାଲ (ଇନିଅସ୍ ଗ୍ରେନାଡିଅର୍ସ) ଏବଂ ମିକେଲ ଲାଣ୍ଡା (ବାହାରିନ୍ ମ୍ୟାକଲରେନ) ସମାନ ସମୟରେ ରେସ୍ ଶେଷ କରିଥିଲେ। ରେସ୍ରେ ଆଡାମ ୟେଟ୍ସ ୧୫ତମ ସ୍ଥାନରେ ରହିବା ଦ୍ୱାରା ଓଭର ଅଲ୍ ଷ୍ଟାଣ୍ଡିଂରେ ୮ମ ସ୍ଥାନକୁ ଖସି ଆସିଛନ୍ତି। ସୋମବାର ହେଉଛି ବିଶ୍ରାମ ଦିବସ। ମଙ୍ଗଳବାର ଇଲେଡି’ ଓଲେରନ୍ରୁ ଇଲେ ଡି’ ରେ ପର୍ଯ୍ୟନ୍ତ ୧୬୮.୫ କିଲୋମିଟର ଦୂରତା ବିଶିଟେ ରେସ୍ର ୧୦ମ ଷ୍ଟେଜ୍ ଅନୁଷ୍ଠିତ ହେବ।