ବାକୁ, ୬ା୬ (ଏପି)-ଆଜରବୈଜାନ ଫର୍ମୁଲାଓ୍ବାନ ଗ୍ରାଁ ପ୍ରି ପାଇଁ ଶନିବାର ଅନୁଷ୍ଠିତ କ୍ୱାଲିଫାଇଂ ରେସ୍ରେ ଫେରାରିର ଚାଲର୍ସ ଲେକ୍ରେକ୍ ପୋଲ୍ ପୋଜିଶନ ହାସଲ କରିଛନ୍ତି। ଫଳରେ ରବିବାର ସେ ଷ୍ଟାର୍ଟିଂ ପୋଜିଶନରୁ ରେସ ଆରମ୍ଭ କରିବେ। ଲେକ୍ରେକ୍ ୧ ମିନିଟ ୪୧.୨୧୮ ସେକେଣ୍ଡ ଟାଇମିଂରେ ତାଙ୍କ ରେସ୍ ଶେଷ କରିଥିଲେ। ତାଙ୍କ ପଛକୁ ଦ୍ୱିତୀୟ ଓ ତୃତୀୟ ସ୍ଥାନରେ ଯଥାକ୍ରମେ ଚାମ୍ପିୟନଶିପ୍ ଲିଡର ତଥା ମର୍ସିଡିଜ୍ର ଲୁଇସ୍ ହାମିଲଟନ ଓ ରେଡ୍ବୁଲର ମାକ୍ସ ଭର୍ଷ୍ଟାପେନ୍ ରହିଥିଲେ। ବାକୁ ଟ୍ରାକ୍ରେ ସିରିଜ ଦୁର୍ଘଟଣା ଦେଖିବାକୁ ମିଳିଥିଲା। ଫଳରେ ୪ଥର ରେଡ୍ ଫ୍ଲାଗ୍ ହୋଇଥିଲା। ଲେକ୍ରେକ୍ କ୍ରମାଗତ ଦ୍ୱିତୀୟ ଗ୍ରାଁ ପ୍ରିରେ ପୋଲ ପୋଜିଶନ ହାସଲ କରିପାରିଛନ୍ତି। ଦୁଇ ସପ୍ତାହ ପୂର୍ବେ ମୋନାକୋ ଗ୍ରାଁ ପ୍ରିର କ୍ୱାଲିଫାଇଂ ରେସ୍ର ଶେଷ ଭାଗରେ ତାଙ୍କ ଫେରାରି ଦୁର୍ଘଟଣାଗ୍ରସ୍ତ ହୋଇଥିଲା। ତଥାପି ସେ ତାଙ୍କ ଘରୋଇ ଟ୍ରାକ୍ରେ ପୋଲ ପୋଜିଶନ ହାସଲ କରିଥିଲେ। ଷ୍ଟାଟିଂ ଟ୍ରାକ୍ରୁ ରେସ୍ ଆରମ୍ଭ କରିବା ସୁଯୋଗ ରହିଥିଲେ ମଧ୍ୟ ଠିକଣା ସମୟରେ ତାଙ୍କ କାର୍ ମରାମତି କାର୍ଯ୍ୟ ଶେଷ ହୋଇ ନ ପାରିବାରୁ ସେ ରେସ୍ରେ ଭାଗ ନେଇପାରି ନ ଥିଲେ। ବାକୁଠାରେ ଶନିବାର ଅନୁଷ୍ଠିତ କ୍ୱାଲିଫାଇଂ ରେସ୍ରେ ଯଥାକ୍ରମେ ଚତୁର୍ଥରୁ ଦଶମ ସ୍ଥାନ ଅଧିକାର କରିଥିବା ଡ୍ରାଇଭରମାନେ ହେଲେ ପିଏରେ ଗାସ୍ଲି (ଆଲ୍ଫା ତାଉରି), କାର୍ଲେସ ସେଞ୍ଜ ଜୁନିୟର (ଫେରାରି), ଲାଣ୍ଡୋ ନୋରିସ (ମ୍ୟାକଲରେନ), ସର୍ଗିଓ ପେରେଜ(ରେଡ୍ବୁଲ), ୟୁକି ଟିସୁନୋଡା (ଆଲ୍ଫା ତାଉରି), ଫର୍ନାଣ୍ଡୋ ଆଲେଁାସୋ (ଆଲପାଇନ୍) ଓ ଭାଲଟେରି ବୋଟାସ(ମର୍ସିଡିଜ୍)।