ସୁଜୁକା (ଜାପାନ), ୨୪ା୯ (ଏପି) ଫର୍ମୁଲାଓ୍ବାନ ଚାମ୍ପିୟନଶିପ୍ ଲିଡର ମାକ୍ସ ଭର୍ଷ୍ଟାପେନ୍ ଜାପାନିଜ ଫର୍ମୁଲା ଓ୍ବାନ ମୋଟର ରେସ୍ ଗ୍ରାଁ ପ୍ରି ପାଇଁ ପୋଲ୍ ପୋଜିଶନ ହାସଲ କରିଛନ୍ତି। ଏଥି ସହ ସେ ଫର୍ମକୁ ଫେରିଛନ୍ତି। ସପ୍ତାହ ପୂର୍ବେ ସିଙ୍ଗାପୁରରେ ସେ ସଂଘର୍ଷ କରୁଥିବା ଲକ୍ଷ୍ୟ କରାଯାଇଥିଲା। ମାତ୍ର ସୁଜୁକା ସର୍କିଟରେ ଶନିବାର ଅନୁଷ୍ଠିତ କ୍ୱାଲିଫାଇଂରେ ସେ ପ୍ରାଧାନ୍ୟ ବିସ୍ତାର କରିଥିଲେ। ରେଡ୍ ବୁଲର ଏହି ଡ୍ରାଇଭର ୧ ମିନିଟ ୨୮.୮୭୭ ସେକେଣ୍ଡ ଟାଇମିଂରେ ମ୍ୟାକଲରେନର ଓସ୍କାର ପିଆଷ୍ଟ୍ରିଙ୍କଠାରୁ .୫୮୧ ସେକେଣ୍ଡ ଆଗରେ ପ୍ରଥମ ସ୍ଥାନ ଅଧିକାର କରିଥିଲେ। ତାଙ୍କ ଟିମ୍ମେଟ ଲାଣ୍ଡୋ ନୋରିସ ତୃତୀୟ ହୋଇଥିଲେ। ଚଳିତ ସିଜନରେ ଭର୍ଷ୍ଟାପେନ୍ଙ୍କର ଏହା ହେଉଛି ୯ମ ପୋଲ୍ ପୋଜିଶନ ଏବଂ ମାସକ ପୂର୍ବରୁ ଡଚ୍ ଗ୍ର୍ରାଁ ପ୍ରି ପରେ ଏହା ପ୍ରଥମ।