ପୁରୁଷୋତ୍ତମପୁର,୩୦।୮(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଅଞ୍ଚଳରେ ଋଷିକୂଲ୍ୟା ନଦୀ ଘାଟର ବିଭିନ୍ନ ସ୍ଥାନରୁ ବାଲି ମାଫିଆମାନେ ବିନା ଦ୍ବିଧାରେ ବାଲି ଖୋଳି ନେବାରେ ଲାଗିଛନ୍ତି। ତେବେ ସୋମବାର ପୋଲିସ ପାଟ୍ରୋଲିଂ ସମୟରେ ରେଗିଡି ଓ ପାଗଳବାବା ଛକଠାରେ ବାଲି ବୋଝେଇ କରି ନେଉଥିବା ୬ଟି ଟ୍ରକକୁ ଜବତ କରାଯିବା ସହ ୧୩ ଜଣଙ୍କୁ ଗିରଫ କରାଯାଇଛି। ଗିରଫ ବ୍ୟକ୍ତିମାନେ ହେଲେ ସନ୍ୟାସୀ ସାହୁ, ପ୍ରଦୀପ କୁମାର ଭୂୟାଁ, ଶିଶିର ପ୍ରଧାନ, ପାଣ ସେଠୀ, ଡ୍ରାଇଭର ପ୍ରଧାନ ପ୍ରମୁଖ । ଏ ନେଇ ଥାନାରେ ପୃଥକ ପୃଥକ ଭାବରେ ୬ କେସ କରାଯାଇଥିବା ଆଇ ଆଇସି ଜଗନ୍ନାଥ ମଲ୍ଲିକ କହିଛନ୍ତି।