ଭବାନୀପାଟଣା,୧୬।୭(ସ୍ବ.ପ୍ର.): ଚାକିରିର ପ୍ରଲୋଭନ ଦେଖାଇ ଲକ୍ଷାଧିକ ଟଙ୍କା ହଡପ କରି ଗିରଫ ହେଲେ ଶିକ୍ଷକ। କଳାହାଣ୍ଡି ଜଲାର ୧୨ ଜଣ ଯୁବତୀଯୁବକଙ୍କୁ ବୁର୍ଲା ଏମ୍ସିଏଲ୍ରେ ଚାକିରି ଦେବା ପାଇଁ ପ୍ରଲୋଭନ ଦେଖାଇ ୬୫ ଲକ୍ଷ ଟଙ୍କା ଠକିନେଇଥିବା ଅଭିଯୋଗ ହୋଇଛି । ଏଥିରେ ପୋଲିସ ଜଣେ ସରକାରୀ ଶିକ୍ଷକଙ୍କୁ ଗିରଫ କରିଛି । ଶିକ୍ଷକ ଜଣଙ୍କ ହେଉଛନ୍ତି, କଳାହାଣ୍ଡି ଜିଲା ଜୟପାଟଣା ଥାନା ଅନ୍ତର୍ଗତ ଦୁଲକୀବନ୍ଧ ଗ୍ରାମର ବିନୀତ ନାଏକ।
ସୂଚନାନୁଯାୟୀ,୧୨ ଜଣ ଶିକ୍ଷିତ ଯୁବତୀ ଯୁବକଙ୍କୁ ବୁର୍ଲା ସ୍ଥିତ ଏମ୍ସିଏଲ୍ କମ୍ପାନୀରେ ଚାକିରି କରାଇ ଦେବାକୁ ବିନୀତ ପ୍ରଲୋଭନ ଦେଖାଇଥିଲେ । ଏହାପରେ ସେମାନଙ୍କଠାରୁ ୬୫ ଲକ୍ଷ ଟଙ୍କା ନେଇ ବଷେର୍ର୍ ଧରି ଭୁଆଁ ବୁଲାଇ ଆସୁଥିଲେ। ଶେଷରେ ନିରାଶ ହୋଇ କୌଣସି ଉପାୟ ନ ପାଇ ଉକ୍ତ ଯୁବତୀ ଯୁବକ ଭବାନୀପାଟଣା ଟାଉନ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ ତଦନ୍ତ ଆରମ୍ଭ କରିଥିଲା । ଟାଉନ ପୋଲିସର ଏକ ସ୍ବତନ୍ତ୍ର ଟିମ ଦୁଲକୀବନ୍ଧ ଗ୍ରାମକୁ ଯାଇ ଶିକ୍ଷକ ବିନୀତଙ୍କୁ ଘରୁ ଉଠାଇ ନେଇଥିଲା । ପରେ ତାଙ୍କୁ ଅଧିକ ପଚରାଉଚରା ପରେ କୋର୍ଟ ଚାଲାଣ କରିଥିବା ସୂଚନା ମିଳିଛି ।