ସୋରଡ଼ା,୪ା୧୨(ଡି.ଏନ୍.ଏ.): ଗଞ୍ଜାମ ଜିଲା ବଡ଼ଗଡ଼ ଥାନା ପୋଲିସ ଦୁଇ ବାଇକ୍ ଲୁଟେରାଙ୍କୁ ରବିବାର ଗିରଫ କରିଛି। ଆଇଆଇସି ସୂରଜ ଝଙ୍କାରଙ୍କ ସୂଚନାନୁଯାୟୀ, ଦିଗପହଣ୍ଡି ନିକଟ ଓଡସିଂ ଗ୍ରାମର ସୀମାଞ୍ଚଳ ରଣା ବାଇକ ( ଓ ) ଯୋଗେ ଗତ ତା ୨୦.୧୧.୨୨ରେ ଚ୍ଛପୁଲି ଗ୍ରାମକୁ କୌଣସି କାମରେ ଆସିଥିଲେ। ଅପରାହ୍ନ ୩ଟାରେ ଗ୍ରାମ ପୋଖରୀ ନିକଟରେ ଅମୃତୁଲୁ ଗ୍ରାମର ଜଗଦୀଶ ଗଉଡ ଓ ବାରପଧାନି ଗ୍ରାମର ମନୋଜ କୁମାର ଗଉଡ଼ ବାଇକ୍ଟିକୁ ସେଠାରୁ ଛଡ଼ାଇ ଲୁଟି ନେଇଥିଲେ। ସୀମାଞ୍ଚଳ ଏ ସମ୍ପର୍କରେ ବଡ଼ଗଡ଼ ଥାନାରେ ୨୩.୧୧.୨୨ରେ ଏତଲା ଦେବା ପରେ ପୋଲିସ ତଦନ୍ତ ଆରମ୍ଭ କରିଥିଲା। କେସ୍ ନମ୍ବର ୪୭୩/୨୦୨୨ ଅନୁଯାୟୀ, ରବିବାର ଏହି ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।
