ଦେବଗଡ,୯।୩(ଡି. ଏନ. ଏ.): ଦେବଗଡ଼ର ବିଭିନ୍ନ ଅଞ୍ଚଳରୁ ଟଙ୍କା ଲୁଟ୍ କରୁଥିବା ୨ ଡକାୟତଙ୍କୁ ଦେବଗଡ଼ ପୋଲିସ ଗିରଫ କରିଛି। ସେମାନେ ହେଲେ କଂଗ୍ରେସପୁର ଗାଁର ବଳରାମ ପାତ୍ର , ରମାକାନ୍ତ ପାତ୍ର । ପୋଲିସ ତାଙ୍କ ନିକଟରୁ ୧୬ହଜାର ଟଙ୍କା ଜବତ କରିବା ସହ ବ୍ୟବହୃତ ମୋଟର ସାଇକେଲ ଏବଂ ଏକ ମାରାଣାସ୍ତ୍ର ଜବତ କରିଛି। ଗତ ମାର୍ଚ୍ଚ ୨ତାରିଖରେ ଝୁମ୍ପୁରା ଗ୍ରାମର ଗଙ୍ଗାଧର ସାହୁ ନାମକ ଜଣେ ବ୍ୟବସାୟୀଙ୍କଠାରୁ ରାସ୍ତାରୁ ଏହି ଦୁଇ ଅଭିଯୁକ୍ତ ୨୦ ହଜାର ଲୁଟି ନେଇଥିଲେ। ପରେ ଏ ନେଇ ଗଙ୍ଗାଧର ବାରକୋଟ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ ତଦନ୍ତ ପରେ ଅଭିଯୁକ୍ତ ଦ୍ୱୟ ଦେବଗଡ଼ ଥାନା ଅଞ୍ଚଳର କଂଗ୍ରେସପୁର ଗ୍ରାମର ଜାଣିବାକୁ ପାଇଥିଲା । ଏହାପରେ ଦେବଗଡ଼ ପୋଲିସ ଗିରଫ କରି ଅଧିକ ତଦନ୍ତ ପରେ ସେମାନେ ଆଉ ଦୁଇଟି ଲୁଟ୍ ମାମଲାରେ ସାମିଲ ଥିବା ଜାଣିବାକୁ ପାଇଥିଲା। ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ। ପରେ ରିମାଣ୍ଡରେ ଆଣି ଅଧିକ ତଦନ୍ତ କରାଯିବ ବୋଲି ଦେବଗଡ଼ ଆଇଆଇସି ସୁରେନ୍ଦ୍ର ନାୟକ ସୂଚନା ଦେଇଛନ୍ତି ।