ପାଟଣା,୨୭ା୩(ବୀର କିଶୋର ଦାଶ): କେନ୍ଦୁଝର ଜିଲା ସାଇବର ପୋଲିସ ଶତାଧିକ ନକଲି ସିମ୍ ବିକ୍ରି ଅଭିଯୋଗରେ ଗୁରୁବାର ଜଣେ ଏଜେଣ୍ଟଙ୍କ ସମେତ ୨ ଜଣଙ୍କୁ ଗିରଫ କରିଛି। ଅଭିଯୁକ୍ତ ଦ୍ୱୟ ପାଟଣା ଥାନା ସାହାରପଡ଼ା ପ୍ରଧାନ ସାହି ଅଞ୍ଚଳର ଧୀରଜ ମହାନ୍ତ ଓ କପୁଣ୍ଡି ଗ୍ରାମର ଲଳିତ ମହାନ୍ତ।
ମିଳିଥିବା ସୂଚନା ମୁତାବକ, ଗତ ୩ ଦିନ ହେବ ସାଇବର ପୋଲିସ ପାଟଣା ଅଞ୍ଚଳରେ ନକଲି ସିମ୍ ବିକ୍ରି ଅଭିଯୋଗରେ ତନାଘନା କରୁଛି। ଅଭିଯୋଗ ଆଧାରରେ ୪ ଜଣରୁ ଊଦ୍ଧର୍ବ ଯୁବକଙ୍କୁ ନେଇ ପଚରାଉଚରା କରୁଥିଲା। ଗୁରବାର ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଅତିରିକ୍ତ ଆରକ୍ଷୀ ଅଧୀକ୍ଷକ ପ୍ରତିଶ ମହାପାତ୍ର କହିଛନ୍ତି, ଉକ୍ତ ଏଜେଣ୍ଟ ଜଣକ ରାଜ୍ୟ ଓ ରାଜ୍ୟ ବାହାରେ ଶତାଧିକ ନକଲି ସିମ୍ ବିକ୍ରି କରିଛନ୍ତି। ସେହି ସବୁ ସିମ୍ ବ୍ୟବହାର କରି ଆପରାଧିକ କାର୍ଯ୍ୟ କରୁଥିବା ଜଣାପଡ଼ିଛି।
