ଜୟପୁର,୧୮ା୬ (ନି.ପ୍ର.) ଗଞ୍ଜେଇ ଚୋରାଚାଲାଣ ମାମଲାରେ ଫେରାର ଥିବା ଜଣେ ଅଭିଯୁକ୍ତଙ୍କୁ ଶନିବାର ସଦର ଥାନା ପୋଲିସ ଗିରଫ କରିଛି। ସେ ହେଲେ ବୈପାରିଗୁଡା ଥାନା ଅନ୍ତର୍ଗତ ବୀରଖମ୍ବ ସାହିର ଅର୍ଜୁନ ବିଷୋୟୀ (୩୮)। ୨୦୨୧ ଫେବୃୟାରୀ ୧୯ ତାରିଖରେ ଅର୍ଜ୍ଜୁନ ଏକ ଅଟୋରେ ଲମତାପୁଟରୁ ଗଞ୍ଜେଇ ଚାଲାଣ କରୁଥିବା ସୂଚନା ପାଇ ପୋଲିସ ପାତ୍ରପୁଟ ନିକଟରେ ଚଢାଉ କରି ୧୮୨ କେଜି ୭ ଶହ ଗ୍ରାମ ଗଞ୍ଜେଇ ଜବତ କରିଥିଲା। ହେଲେ ଅଭିଯୁକ୍ତ ଅର୍ଜ୍ଜୁନ ଫେରାର ଥିବାରୁ ତାଙ୍କୁ ଗିରଫ କରାଯାଇପାରି ନ ଥିଲା। ସେ ଗାଁକୁ ଆସିଥିବା ଖବର ପାଇ ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ଈଶ୍ୱର ତାଣ୍ଡି କହିଛନ୍ତି ।