ବଲାଙ୍ଗୀର ଅଫିସ, ୪।୪: ୧୨ ଦଫା ଦାବି ନେଇ ଭାରତୀୟ କମ୍ୟୁନିଷ୍ଟ ପାର୍ଟି ଏବଂ ଭାରତୀୟ କ୍ଷେତ ମଜଦୂର ୟୂନିଅନ ପକ୍ଷରୁ ସୋମବାର ବଲାଙ୍ଗୀର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ଗୋପାଳ ଭୋଇଙ୍କ ନେତୃତ୍ୱରେ ଆନ୍ଦୋଳନରେ ଜିଲାର ବିଭିନ୍ନ ବ୍ଳକ ତଥା ଗ୍ରାମାଞ୍ଚଳରୁ ଶତାଧିକ ମହିଳା, ପୁରୁଷଙ୍କ ସହ ଛୋଟ ପିଲା ମଧ୍ୟ ସାମିଲ ହୋଇଥିଲେ।
ହେଲେ ପ୍ରଚଣ୍ଡ ଖରାକୁ ଦୃଷ୍ଟିରେ ରଖି ବଲାଙ୍ଗୀର ପୋଲିସ ଆନ୍ଦୋଳନକାରୀଙ୍କ ପ୍ରତି ମାନାବିକତା ଦେଖାଇଛି। ପୋଲିସ ଆନ୍ଦୋଳନକାରୀଙ୍କୁ ଘଉଡାଇବା ପରିବର୍ତ୍ତେ ଗଛ ଛାଇକୁ ନେଇ ଆନ୍ଦୋଳନ କରିବାକୁ କହିଥିଲା। ଏପର କି ପୋଲିସ କର୍ମଚାରୀମାନେ ଆନ୍ଦୋଳନକାରୀଙ୍କୁ ପାଣି ବୋତଲ ଦେବା ସହ ଖାଇବାକୁ ବିସ୍କୁଟ ଦେଇଥିଲେ। ସଦର ଏସଡିପିଓ ତୋଫାନ ବାଗ ଓ ଟାଉନ ଥାନା ଆଇଆଇସି ପ୍ରିୟଙ୍କା ରାଉତରାୟଙ୍କ ନେତୃତ୍ୱରେ ପୋଲିସର ଏଭଳି ବ୍ୟବସ୍ଥାକୁ ବିଭିନ୍ନ ମହଲରେ ପ୍ରଶଂସା କରାଯାଇଛି । ଏପରି କି ପୋଲିସର ମାନବିକତାକୁ ଆନ୍ଦୋଳନକାରୀ ମାନେ ମଧ୍ୟ ପସନ୍ଦ କରିଥିଲେ।
