ନାରାୟଣପାଟଣା,୯।୩(ଡି.ଏନ.ଏ.) ନାରାୟଣପାଟଣା ପୋଷ୍ଟ ଅଫିସରୁ ଗତ ୨୫ ତାରିଖରୁ ଜମାକାରୀଙ୍କ ଅର୍ଥ ଚଞ୍ଚକତା କରି ଆତ୍ମସାତ କରି ଫେରାର ଥିବା ଡାକ ସେବକ ବୃନ୍ଦାବନ ଦଳେଇଙ୍କ ବିରୋଧରେ ମଙ୍ଗଳବାର ଜୟପୁର ଡାକ ବିଭାଗର ଆସିଷ୍ଟାଣ୍ଟ ସୁପରିଟେଣ୍ଡେଣ୍ଟ ଓ ନାରାୟଣପାଟଣା ପୋଷ୍ଟ ଅଫିସର ସନ୍ତୋଷ ମାଣି ଥାନାରେ ଲିଖିତ ଅଭିଯୋଗ କରିଛନ୍ତି। ଏହି ସମୟରେ ୩୦ରୁ ଉର୍ଦ୍ଧ୍ୱ ଜମାକାରୀ ଥାନାକୁ ଆସି ସେମାନଙ୍କ ଟଙ୍କା ଫେରିପାଇବା ନେଇ ପଦକ୍ଷେପ ନେବାକୁ ଥାନାଅଧିକାରୀଙ୍କୁ ଅନୁରୋଧକରିଛନ୍ତି।
ସୂଚନାଯୋଗ୍ୟ ଡାକ ସେବକ ବୃନ୍ଦାବନଙ୍କୁ ବିଶ୍ୱାସ କରି ଜମାକାରୀମାନେ ସେମାନଙ୍କ ଜମାଖାତାରେ ଟଙ୍କା ଜମା କରିବାକୁ ଦେଉଥିଲେ। ମାତ୍ର ସେ ଲୋକଙ୍କ ବିଶ୍ୱାସରେ ବିଷ ଦେଇ ସେମାନଙ୍କ ଟଙ୍କା ଜମା ନ କରି ଆତ୍ମସାତ କରୁଥିଲେ। ସେ ପ୍ରାୟ ୭୪ ଜଣଠାରୁ ପାଖାପାଖି ୩୫ ଲକ୍ଷ ଟଙ୍କା ହଡପ କରିଥିବା ଜଣାପଡିଛି। ଏନେଇ ଥାନାରେ କେସ ନମ୍ବର ୧୪/୨୨ରେ ମାମଲା ରୁଜୁ ହୋଇଥିବା ତଦନ୍ତ ଚାଲିଥିବା ଥାନା ଅଧିକାରୀ ରଘୁନାଥ ମାଝି କହିଛନ୍ତି ।