ଝାରସୁଗଡ଼ା ଅଫିସ,୧୪।୫: ଆସନ୍ତା ୩୧ରେ ବ୍ରଜରାଜନଗର ଉପନିର୍ବାଚନ। ନିର୍ବାଚନ ଆୟୋଗଙ୍କ ନିର୍ଦ୍ଦେଶକ୍ରମେ ନିର୍ବାଚନକୁ ନିରପେକ୍ଷ ଏବଂ ଶାନ୍ତିପୂର୍ଣ୍ଣ କରିବା ନେଇ ଜିଲା ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି।
ଏହି ପରିପ୍ରେକ୍ଷୀରେ ଜିଲା ପୋଲିସ ପ୍ରଶାସନ ପକ୍ଷରୁ ବ୍ରଜରାଜନଗର ଥାନା ଅଧୀନ ଗଙ୍ଗାନଗର, ତେଲେନପାଲି, ରେମଜା ଓ ଇଟାଭଟା ଆଦି ଅଞ୍ଚଳରେ ପୋଲିସ ପକ୍ଷରୁ ଫ୍ଲାଗ୍ମାର୍ଚ୍ଚ କରାଯାଇଥିଲା। ଆଇଆଇସି ବୈକୁଣ୍ଠ ବିହାରୀ ସେଠ ଏହାର ନେତୃତ୍ୱ ନେଇଥିବା ବେଳେ ଅଭୟ ମହାନ୍ତି, ପ୍ରକାଶ ଦଳେଇ, ଦଶରଥ ଟୁଡୁ ପ୍ରମୁଖ ପୋଲିସ ଅଧିକାରୀଙ୍କ ସହ କର୍ମଚାରୀ ମଧ୍ୟ ସାମିଲ ହୋଇଥିଲେ।