ମାଥିଲି,୧୪ା୧୧ (ଡି.ଏନ.ଏ.): କୋରାପୁଟ ଜିଲା ମାଳିପଦର ଜଙ୍ଗଲରେ ଗତ ୧୦ ତାରିଖରେ ହୋଇଥିବା ଏନକାଉଣ୍ଟରରେ ମାଲକାନଗିରି ଜିଲାର ମୃତ ଧନ କମାରଙ୍କ ପରିବାର ଲୋକେ ଓ ସର୍ଗିଗୁଡା ଗ୍ରାମବାସୀ ନ୍ୟାୟ ପାଇଁ ରବିବାରଠାରୁ ମାଲକାନଗିରି-ଜୟପୁରକୁ ସଂଯୋଗ କରୁଥିବା ୩୨୬ ନଂ. ଜାତୀୟ ରାଜପଥର କତାମେଟା ଗ୍ରାମ ନିକଟରେ ରାସ୍ତା ଅବରୋଧ କରିଥିଲେ। ସାମାଜିକ କର୍ମୀ ଶରତ ବୁରଦା ମଧ୍ୟ ଆନ୍ଦୋଳନକାରୀଙ୍କ ସହ ଘଟଣାସ୍ଥଳରେ ଉପସ୍ଥିତ ଥିଲେ। ଯେତେ ବୁଝାଶୁଝା କରିଥିଲେ ମଧ୍ୟ ସେମାନେ ଆନ୍ଦୋଳନରୁ ହଟି ନ ଥିଲେ। ରାତିରେ ମଧ୍ୟ ଗ୍ରାମବାସୀ ଧାରଣା ଜାରି ରଖିଥିଲେ। ଭୋର ୪ଟାରେ ମାଲକାନଗିରି ପୋଲିସ ସାମାଜିକ କର୍ମୀ ବୁରୁଦା, ଧନ ଧରମା, ସନ୍ତୋଷ କାଲାକୁରା ଓ ବନମାଳି କାଲାକୁରାଙ୍କୁ ଉଠାଇ ନେଇଥିଲା। ସୋମବାର ସେମାନଙ୍କୁ କୋର୍ଟଚାଲାଣ କରିଛି। ସେମାନଙ୍କ ବିରୋଧରେ ପୋଲିସ ଦଫା ୩୪୧, ୧୪୭, ୭୪୬, ୨୯୪, ୩୫୩, ୫୦୬, ୧୪୯ ଲଗାଇଥିବା ଜଣାପଡ଼ିଛି।
ଧନଙ୍କ ସମ୍ପର୍କୀୟ, ଗ୍ରାମବାସୀ ଏବଂ ଶରତ ବୁରୁଦାଙ୍କୁ ମାଲକାନଗିରି ପୋଲିସ ଉଠାଇ ନେଇଥିବା ଜଣାପଡ଼ିଛି। ଗତକାଲି ମାଲକାନଗିରି ପୋଲିସ ସର୍ଗିଗୁଡା ଗ୍ରାମରେ ପହଞ୍ଚତ୍ ପରିବାର ତଥା ଗ୍ରାମବାସୀଙ୍କୁ ମୃତଦେହ ଆଣିବା ପାଇଁ ବୁଝାଇଥିଲା। ମାତ୍ର ଧନ ମାଓବାଦୀ ନୁହନ୍ତି, ଜଣେ ଶ୍ରମିକ। ତାଙ୍କୁ ନ୍ୟାୟ ଦେବାକୁ ଗ୍ରାମବାସୀ ଦାବି କରିଥିଲେ। ଅନ୍ୟପକ୍ଷରେ ସୋମବାର ଧନଙ୍କ ମୃତଦେହ ସ୍ବତନ୍ତ୍ର ଆମ୍ବୁଲାନ୍ସରେ ନିଜ ଗ୍ରାମ ସର୍ଗିଗୁଡ଼ାରେ ପହଞ୍ଚତ୍ଛି। ମୃତଦେହ ପହଞ୍ଚତ୍ବା ପରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ପରେ ମରଶରୀରକୁ ଶ୍ମଶାନକୁ ନେଇ ଶେଷକୃତ୍ୟ ସମ୍ପନ୍ନ କରାଯାଇଥିଲା। ଧନଙ୍କ ପରିବାର ସଦସ୍ୟଙ୍କୁ ସରକାରୀ ସହାୟତା ଦେବାକୁ ଗ୍ରାମବାସୀ ଦାବି କରିଛନ୍ତି । ଧନଙ୍କ ୧୦ ବର୍ଷର ପୁଅ ରହିଛି। ମୋ ବାପା ମାଓବାଦୀ ନୁହନ୍ତି, ପୋଲିସ ତାଙ୍କୁ ଗୁଳି କରି ମାରି ଦେଇ ମାଓବାଦୀ ଆଖ୍ୟା ଦେଇଛନ୍ତି ବୋଲି ସେ କହିଛନ୍ତି।
