ମାଲକାନଗିରି,୩୧ା୧୨(ଦୁର୍ଯ୍ୟୋଧନ ପାତ୍ର): ଅପେରା ମଞ୍ଚରେ ଅଶ୍ଳୀଳତା ନେଇ ଅଭିଯୋଗ ହେବାପରେ ରେକର୍ଡ ଡ୍ୟାନ୍ସ ସମୟରେ କ୍ୟାମେରା ଲଗାଇ ରେକର୍ଡିଂ କଲା ପୋଲିସ। ପୋଲିସ ଛାଉଣୀରେ ଚାଲିଲା ଆଇଟମ ଗାର୍ଲଙ୍କ ନିଶା ମହାରଣାଙ୍କ ନାଚ।
ସୂଚନା ଅନୁଯାୟୀ, ମାଲକାନଗିରି ଜିଲା କତାମେଟା ଗ୍ରାମରେ ଚାଲିଥିବା ଅପେରାରେ ଅଶ୍ଳୀଳ ନୃତ୍ୟ ପରିବେଶଣ ନେଇ ଅଭିଯୋଗ ଓ ମାମଲା ରୁଜୁ ହୋଇଥିଲା। ଯେଉଁଥି ଲାଗି ମାଲକାନଗିରି ସଦରର ଡିଏନ୍କେ ଖେଳ ପଡିଆରେ ଚାଲିଥିବା ତାରିଣୀ ଗଣନାଟ୍ୟରେ ସୋମବାର ରାତିରେ ରେକର୍ଡ ଡ୍ୟାନ୍ସ କରାଯାଇଥିଲା। ତେଣୁ କତାମେଟା ଘଟଣାର ପୁନରାବୃତ୍ତି ନ ହେବା ଲାଗି ତାରିଣୀ ଗଣନାଟ୍ୟ ଉପରେ ନଜର ରଖିଥିଲା ପୋଲିସ।
ଯାତ୍ରା କମିଟି ଠାରୁ ଲିଖିତ ଆକାରରେ ଅଶ୍ଳୀଳତା ନକରିବା ପାଇଁ ଲେଖା ଗ୍ରହଣ କରି ଅପେରା ଷ୍ଟେଜ୍ ନିକଟରେ କ୍ୟାମେରା ଭିଡିଓ ରେକର୍ଡିଂ କରିବା ସର୍ତ୍ତରେ ନିଶା ମହାରଣାଙ୍କ ସୋ ଲାଗି ଅନୁମତି ଦେଇଥିଲା ମାଲକାନଗିରି ପୋଲିସ। ହେଲେ ଅପେରା ପେଣ୍ଡାଲରେ ନିଶା ମହାରଣା ଆସିବା ପରେ ଦର୍ଶକ ମାନଙ୍କ ମଧ୍ୟରେ ହୋ ହଲ୍ଲା ସୃଷ୍ଟି ହୋଇଥିବା ବେଳେ ଉପସ୍ଥିତ ଦର୍ଶକ ମାନଙ୍କୁ ନିଶା ମହାରଣା ଆଜି କେବଳ ମୋର ନାଚ ଦେଖି ଖୁସି ହୁଅନ୍ତୁ କହିଥିବା ମଧ୍ୟ ଦେଖିବାକୁ ମିଳିଥିଲା।
