ସାରସକଣା,୨୩ା୧୨(ଡି.ଏନ୍.ଏ.): ମୟୂରଭଞ୍ଜ ଜିଲା ଝାରପୋଖରିଆ ଥାନା ଅଞ୍ଚଳ ଦେଇ ଯାଉଥିବା ଦୁଇ ଗୋରୁ ବୋଝେଇ ଟ୍ରକ୍କୁ ଜବତ କରିଛି ପୋଲିସ।
ମିଳିଥିବା ସୂଚନାନୁଯାୟୀ, ଝାରପୋଖରିଆ ଦେଇ ପଶ୍ଚିମବଙ୍ଗକୁ ଚାଲାଣ ହେବା ସମୟରେ ପୂର୍ବରୁ ସୂଚନା ପାଇ ଥାନାଧିକାରୀ ଫନୀନ୍ଦ୍ର ଭୂଷଣ ନାଏକ ସଦଳବଳ ବମ୍ବେଛକ ଓଭରବ୍ରିଜ୍ ନିକଟରେ ଓଡି-୧୬ ଏଫ୍-୫୪୯୫ନଂ ବିଶିଷ୍ଟ ୧୬ ଚକିଆ ଟ୍ରକକୁ ଅଟକାଇ ଯାଞ୍ଚ କରିଥିଲେ। ଏହି ସମୟରେ ଗୋରୁ ବୋଝେଇ ଥିବା ଦେଖି ଥାନାକୁ ଆଣି ଅଟକ ରଖିଥିଲେ। କିଛି ସମୟ ବ୍ୟବଧାନରେ ବାଲିଆସାହି ସ୍ଥିତ ପେଟ୍ରୋଲ ପମ୍ପ୍ ନିକଟରେ ଓଡି-୧୫ଏମ-୬୬୧୫ ନମ୍ବର ବିଶିଷ୍ଟ ଅନ୍ୟ ଏକ ୧୬ ଚକିଆ ଟ୍ରକକୁ ଯାଞ୍ଚ କରାଯାଇ ଥାନାକୁ ଆଣି ଅଟକ ରଖାଯାଇଥିଲା। ଟ୍ରକ ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିଲେ ମାତ୍ର ପରେ ଖୋଜାଖୋଜି କରି ବସ୍ରେ ଚଢ଼ି ଚମ୍ପଟ ମାରିବା ସମୟରେ ପୋଲିସ ତାକୁ ଅଟକ ରଖିଥିଲା। ଏହି ଘଟଣାକୁ ନେଇ ମୋଟ୍ ୬ ଜଣଙ୍କୁ ଅଟକ ରଖାଯାଇଥିବା ପୋଲିସ ସୂତ୍ରରୁ ପ୍ରକାଶ।
