ଭୁବନେଶ୍ୱର,୧୫।୧୨(ବ୍ୟୁରୋ): ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ତମାଣ୍ଡୋ ଥାନା ଏସ୍ଆଇ ଅଭିମନ୍ୟୁ ଚୌଧୁରୀଙ୍କ ଘରେ ଗୁରୁବାର ଭିଜିଲାନ୍ସ ଚଢାଉ କରିଛି। ଏହି ଚଢାଉରେ ଏସ୍ଆଇଙ୍କର ବିପୁଳ ପରିମାଣର ସମ୍ପତ୍ତି ଠାବ କରାଯାଇଛି। ଭୁବନେଶ୍ୱରର ପାଇକନଗର ସ୍ଥିତ ୪ ମହଲା ବିଶିଷ୍ଟ କୋଠା ରହିଛି, ଯାହାର ମୂଲ୍ୟ ୧ କୋଟି ଟଙ୍କା ହେବ ବୋଲି ଜଣାପଡିଛି। ସେହିପରି ତାଙ୍କର ୪ଟି ପ୍ଲଟ୍ ମଧ୍ୟ ଅଛି। ତାଙ୍କ ପାଇକନଗର ଘରୁ ନଗଦ ଦେଢ ଲକ୍ଷ ଟଙ୍କା ସହ ବହୁ ପରିମାଣରେ ସୁନା ଗହଣା ଜବତ କରାଯାଇଛି। ଏହାସହ ୮୬ ଲକ୍ଷରୁ ଅଧିକ ଟଙ୍କାର ବ୍ୟାଙ୍କ୍ ଡିପୋଜିଟ୍ ରହିଛି।