କାନପୁର,୨୭।୭: ଉତ୍ତରପ୍ରଦେଶର କାନପୁର ପୋଲିସ ପୁଣି ଥରେ ଚର୍ଚ୍ଚାର ପରିସରକୁ ଆସିଛନ୍ତି। ଏଥର ଗୋଟିଏ ଛେଳିକୁ ନେଇ ଚର୍ଚ୍ଚାକୁ ଆସିଛି ପୋଲିସ। ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ସାପ୍ତାହିକ ଲକଡାଉନକୁ କଡାକଡି ପାଳନ କରି ବେକନଗଞ୍ଜ ପୋଲିସ ବୁଲୁଥିବା ଛେଳିଟିକୁ ଏକ ଜିପ୍ରେ ଭର୍ତ୍ତି କରି ପୋଲିସ ଷ୍ଟେସନକୁ ନେଇଥିଲା। ତେବେ ଏହି ମାମଲାରେ କାନପୁର ପୋଲିସ ମଧ୍ୟ ସ୍ପଷ୍ଟୀକରଣ ଦେଇଛି। ଶନିବାର ଏବଂ ରବିବାର ଦିନ କାନପୁରରେ ସାପ୍ତାହିକ ଲକ୍ଡାଉନ୍ବେଳେ ବିନା ମାସ୍କରେ ଯାଉଥିବା ଲୋକଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ଏହି ସମୟରେ ସମୟରେ ଜଣେ ଯୁବକ ମାସ୍କ ବିନା ଛେଳି ନେଇ ଯାଉଥିଲେ। ପୋଲିସ ଯୁବକଙ୍କୁ ଅଟକାଇବାକୁ ଚେଷ୍ଟା କଲାବେଳେ ଯୁବକ ଛେଳି ଛାଡି ପଳାଇ ଯାଇଥିଲା। ଯୁବକ ଜଣକ ଦୀର୍ଘ ସମୟ ଧରି ଅପେକ୍ଷା କରି ରହିଥିଲେ, ଯେତେବେଳେ ଯୁବକ ଜଣକ ଫେରି ନ ଥିଲେ। ପୋଲିସ ଛେଳିଟିକୁ ଏକ ଜିପ୍ରେ ଆଣି ପୋଲିସ ଷ୍ଟେସନକୁ ଆଣିଥିଲା।
