ହେଲସିନ୍କି,୨୮।୫: ଟିକସଦାତାଙ୍କ ଟଙ୍କାରେ ଫିନଲାଣ୍ଡ ପ୍ରଧାନମନ୍ତ୍ରୀଙ୍କୁ ବ୍ରେକଫାଷ୍ଟରେ ରିହାତି ଦିଆଯାଉଥିବା ଅଭିଯୋଗ ଆସିଛି। ଏହାର ତଦନ୍ତ କରାଯିବ ବୋଲି ପୋଲିସ ଶୁକ୍ରବାର ଘୋଷଣା କରାଯାଇଛି।
କେସାରାଣ୍ଟା ବାସଭବନରେ ରହୁଥିବା ପ୍ରଧାନମନ୍ତ୍ରୀ ସାନ୍ନା ମାରିନ ପରିବାରର ବ୍ରେକଫାଷ୍ଟ ବାବଦକୁ ମାସିକ ୩୦୦ ୟୁରୋ (୨୬,୪୭୩ ଟଙ୍କା) ଫେରସ୍ତ ମାଗିଥିଲେ। ଏହି ଭତ୍ତା ତାଙ୍କ ପୂର୍ବରୁ ଅନ୍ୟ ପ୍ରଧାନମନ୍ତ୍ରୀଙ୍କୁ ମିଳିଥିବା ୩୫ ବର୍ଷୀୟା ପ୍ରଧାନମନ୍ତ୍ରୀ ଦାବି କରିଥିବା ‘ଇଲ୍ତଲେହତି’ ନାମକ ଟାବଲଏଡ୍ରେ ପ୍ରକାଶ ପାଇଥିବା ରିପୋର୍ଟରେ ଦର୍ଶାଯାଇଥିଲା।
”ପ୍ରଧାନମନ୍ତ୍ରୀ ଭାବେ ଏହି ସୁବିଧା ସମ୍ପର୍କରେ ମୋତେ କୁହାଯାଇନାହିଁ। ଏହା ଉପରେ କୌଣସି ନିଷ୍ପତ୍ତି ନେବାରେ ମଧ୍ୟ ମୋର ସମ୍ପୃକ୍ତି ନାହିଁ“ ବୋଲି ମାରିନ ଟୁଇଟରରେ ଲେଖିଛନ୍ତି।
