ଫରିଦାବାଦ,୧୨।୧୧ : ଫରିଦାବାଦ ପ୍ରଶାସନ କର୍ମଜୀବୀ ମହିଳାଙ୍କ ପାଇଁ ସୁବିଧା କରିଛନ୍ତି। ବିଳମ୍ବିତ ରାତ୍ରରେ ଏଭଳି ମହିଳାଙ୍କୁ ଆଉ ଘରକୁ ଫେରିବାର ଭୟ ରହିବ ନାହିଁ। ପୋଲିସ ସେମାନଙ୍କୁ ଘରେ ନେଇ ଛାଡ଼ିବେ। ଏଭଳି ମହିଳା ଯଦି ଘରକୁ ଫେରିବାରେ ଅସୁବିଧାର ସମ୍ମୁଖୀନ ହୁଅନ୍ତି ତେବେ ବ୍ୟସ୍ତ ବିବ୍ରତ ନହୋଇ ୯୯୯୯୧୫୦୦୦୦, ୭୨୯୦୦୧୦୦୦୦ ଏବଂ ୦୧୨୯-୨୨୨୭୨୦୦ ଆଦି ତିନି ନିଶୁଳ୍କ ନମ୍ବରକୁ ଫୋନ୍ କଲେ ଦୁର୍ଗାଶକ୍ତି ପୋଲିସ ଟିମ୍ ସମ୍ପୃକ୍ତ ମହିଳାଙ୍କ ପାଖରେ ପହଞ୍ଚି ତାଙ୍କୁ ଆବଶ୍ୟକ ସେବା ଯୋଗାଇ ଦେବେ।
ଶନିବାର ଫରିଦାବାଦ ପୋଲିସ ବିଭାଗ ଏବଂ ରାଜ୍ୟ ମହିଳା ଆୟୋଗଙ୍କ ପକ୍ଷରୁ ଅନୁଷ୍ଠିତ ହୋଇଥିବା ଏକ ବୈଠକରେ ଏନେଇ ସହମତି ପ୍ରକାଶ ପାଇଛି।