ପ୍ରୟାଗରାଜ,୧୩।୩: ଉମେଶ ପାଲଙ୍କ ହତ୍ୟାକାଣ୍ଡରେ ବରେଲି ଜେଲ୍ରେ ବନ୍ଦୀ ଥିବା ବାହୁବଲୀ ବିଧାୟକ ଅତିକ ଅହମଦଙ୍କ ଭାଇ ଅଶରଫଙ୍କୁ ସାହାଯ୍ୟ କରିବା ଅଭିଯୋଗରେ ୟୁପି ପୋଲିସ ଜଣେ ପୋଲିସ କର୍ମଚାରୀଙ୍କୁ ଗିରଫ କରିଛି। ପଲିଭିତ ଜେଲ୍ରେ ମୁତୟନ ଥିବା ଜେଲ୍ ଗାର୍ଡ ମନୋଜ ଗୌଡଙ୍କୁ ଗିରଫ କରାଯାଇଛି। ସୂଚନା ମୁତାବକ, ମନୋଜ ବରେଲି ଜେଲ୍ରେ ମୁତୟନ ଥିବା ବେଳେ ଅଶରଫଙ୍କ ପାଇଁ କାମ କରୁଥିଲେ। କେବଳ ସେତିକି ନୁହେଁ ତାଙ୍କ ସହ ଭେଟିବା ପାଇଁ ଲୋକଙ୍କୁ ମଧ୍ୟ ସାହାଯ୍ୟ କରୁଥିଲେ। ସୋମବାର ବରେଲି ପୋଲିସ ମନୋଜଙ୍କୁ ପଚରାଉଚରା କରିବା ପାଇଁ ଥାନାକୁ ଡକାଇଥିଲେ। ପଚରାଉଚରା କରିବା ପରେ ପୋଲିସ ତାଙ୍କୁ ଗିରଫ କରିଛି। ସୂଚନାଯୋଗ୍ୟ, ଉମେଶ ପାଲଙ୍କୁ ହତ୍ୟା କରିବା ପାଇଁ ଷଡ଼ଯନ୍ତ୍ର କରିବା ପୂର୍ବରୁ ଅଶରଫଙ୍କ ସମର୍ଥକମାନେ ଫେବୃୟାରୀ ୧୧ରେ ବରେଲି ଜେଲ୍ରେ ତାଙ୍କୁ ଭେଟିଥିଲେ। ଏହାପରେ ଫେବୃୟାରୀ ୨୪ରେ ଉମେଶଙ୍କ ହତ୍ୟା କରାଯାଇଥିଲା।
