ଇସଲାମାବାଦ,୩୦।୧୨: ପାକିସ୍ତାନର ୪ଟି ଜିଲାରେ ପୋଲିଓ ଜୀବାଣୁ ଚିହ୍ନଟ ହୋଇଛି। ପାକିସ୍ତାନର ଜାତୀୟ ସ୍ବାସ୍ଥ୍ୟ ସେବା ନିୟମାବଳୀ ଏବଂ ସମନ୍ବୟ ମନ୍ତ୍ରଣାଳୟ ଅନୁଯାୟୀ, ସେଠାକାର ୪ ଜିଲାର ପରିବେଶ ନମୁନାରେ ପୋଲିଓ ଜୀବାଣୁ ଦେଖିବାକୁ ମିଳିଛି।
ସିହ୍ନୁଆ ନ୍ୟୁଜ ଏଜେନ୍ସିର ସୂଚନାଅନୁଯାୟୀ ମନ୍ତ୍ରଣାଳୟ କହିଛି ଯେ ଦକ୍ଷିଣ ସିନ୍ଧ ପ୍ରଦେଶର କରାଚି ଏବଂ ହାଇଦ୍ରାବାଦ ଜିଲା, ଦକ୍ଷିଣ-ପଶ୍ଚିମର ଚାମନ ଜିଲା ଏବଂ ଉତ୍ତର-ପଶ୍ଚିମରେ ପେଶାୱାର ଜିଲାରେ ୪ଟି ପରିବେଶ ନମୁନାରେ ପୋଲିଓ ଜୀବାଣୁ ମିଳିଛି।
ମନ୍ତ୍ରଣାଳୟ କହିଛି ଯେ ପାକିସ୍ତାନରେ ବିଶ୍ୱରେ ସର୍ବାଧିକ ବିସ୍ତୃତ ଏବଂ ସମ୍ବେଦନଶୀଳ ପୋଲିଓ ତଦାରଖ ବ୍ୟବସ୍ଥା ରହିଛି ଏବଂ ପୋଲିଓ ଜୀବାଣୁ ଶୀଘ୍ର ଏବଂ ସହଜରେ ରୋଗ ପ୍ରତିରୋଧକ ଶକ୍ତି କମ ଥିବା ପିଲାମାନଙ୍କୁ ଟାର୍ଗେଟ କରୁଛି। ତେଣୁ ପିଲାମାନଙ୍କୁ ଜୀବାଣୁ ଏବଂ ଅକ୍ଷମତାରୁ ରକ୍ଷା କରିବା ପାଇଁ ପୋଲିଓ ଟୀକାକରଣ ହେଉଛି ଏକମାତ୍ର ଉପାୟ।