ନୂଆଦିଲ୍ଲୀ,୪।୧୨: ଉତ୍ତରପ୍ରଦେଶରେ ୨୦୨୨ରେ ହେବାକୁଥିବା ବିଧାନସଭା ନିର୍ବାଚନ ନେଇ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଏକ ନୂଆ ପ୍ରକାରର ମନ୍ତବ୍ୟ ଦେଇଛନ୍ତି। ଶାହାଙ୍କ ରାଜନୀତିର ବିଜ୍ଞାନ ପାଠ ମନ୍ତବ୍ୟ ନେଇ ଏବେ ଚର୍ଚ୍ଚା ଜାରି ରହିଛି। ଶାହା କହିଛନ୍ତି ଯେ, ପଲିଟିକ୍ସ୍ ଫିଜିକ୍ସ୍ ନୁହେଁ କେମେଷ୍ଟ୍ରି। ଭାଜପା ସହିତ ମେଣ୍ଟ କରିଥିବା ରାଜନୈତିକ ଦଳର କେମେଷ୍ଟ୍ରି ମଧ୍ୟରେ ସାମ୍ୟତା ପରିଲକ୍ଷିତ ହେବାରେ ଲାଗିଛି। ଏହାର ପ୍ରଭାବ ସ୍ବରୂପ ଉତ୍ତରପ୍ରଦେଶରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସରକାର ପୁଣି ବିଜୟୀ ହେବାକୁ ଯାଉଥିବା ଶାହା କହିଛନ୍ତି।
ଉତ୍ତରପ୍ରଦେଶର ଜନତା ସଚେତନ ହୋଇ ସାରିଛନ୍ତି। ଏବେ ସେମାନେ ଉପଯୁକ୍ତ ପଦକ୍ଷେପ ଗ୍ରହଣ କରିବେ। ଫଳରେ ଭାଜପା ରାଜ୍ୟରେ ପୁଣି ଥରେ ସଂଖ୍ୟା ଗରିଷ୍ଠତା ହାସଲ କରିବାକୁ ସକ୍ଷମ ହେବ ବୋଲି ଶାହା କହିଛନ୍ତି।
