ଜୟପୁର,୧୧।୩ : ୨୦୧୯ ପୁଲୱାମା ଆତଙ୍କବାଦୀ ଆକ୍ରମଣରେ ଶହୀଦ ହୋଇଥିବା ଯବାନଙ୍କ ସ୍ତ୍ରୀମାନଙ୍କୁ ବିରୋଧ ପ୍ରସଙ୍ଗରେ ଜୟପୁରରେ ଭାଜପା କର୍ମୀ ଓ ନେତାମାନେ ପ୍ରଦର୍ଶନ କରିଛନ୍ତି। ଏନେଇ ରାଜନୀତି ଉଷ୍ଣ ହେବାରରେ ଲାଗିଛି। ପ୍ରଦର୍ଶନକାରୀମାନେ ବ୍ୟାରିକେଡିଂ ମଧ୍ୟ ଭାଙ୍ଗି ଦେଇଛନ୍ତି।
ସୁରକ୍ଷା ଦୃଷ୍ଟିରୁ ପୋଲିସ ପ୍ରଦର୍ଶନ ସ୍ଥାନକୁ ଘେରି ରହିଥିଲେ। ପୋଲିସ କେତେକ ଭାଜପା କର୍ମୀ ଓ ନେତାଙ୍କୁ ଗିରଫ କରିଛି। ମନ୍ତ୍ରୀ ପ୍ରତାପ ସିଂ ଖାଚାରିୟାଓ୍ବାସ କହିଛନ୍ତି ଯେ ଶହୀଦଙ୍କ ପରିବାର ସହ ସରକାର ଛିଡା ହୋଇଛନ୍ତି। ଭାଜପା ଏହି ପ୍ରସଙ୍ଗକୁ ରାଜନୀତି କରୁଛି । ଯଦି ମୋତେ ଏହି ପ୍ରସଙ୍ଗରେ କାହା ସହ କଥା ହେବାକୁ ପଡିବ, ମୁଁ କରିବି। ମୁଁ ମଧ୍ୟ ମୁଖ୍ୟମନ୍ତ୍ରୀଙ୍କ ସହ କଥା ହେବି।
ଭାଜପା କର୍ମୀଙ୍କୁ ଅଟକାଇବା ପାଇଁ ପୋଲିସ ପାଣି ତୋପ ମଧ୍ୟ ବ୍ୟବହାର କରିଥିଲା, କିନ୍ତୁ ଏହା ସେମାନଙ୍କ ଉପରେ କୌଣସି ପ୍ରଭାବ ପକାଇ ନ ଥିଲା। କଂଗ୍ରେସ ସରକାରଙ୍କୁ ଟାର୍ଗେଟ କରି ଭାଜପା ନେତା ରାଜ୍ୟବର୍ଦ୍ଧନ ସିଂ ରାଠୋର କହିଛନ୍ତି ଯେ ଶାସକ ଦଳଙ୍କୁ ଲଜ୍ଜା ଲାଗୁଛି। ସେଥିପାଇଁ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଶହୀଦମାନଙ୍କ ସ୍ତ୍ରୀଙ୍କୁ ଭେଟିବାକୁ ଚାହୁଁନାହାଁନ୍ତି। କଂଗ୍ରେସ ମିଥ୍ୟା କରୁଥିବା ଏକ ଦଳ। ଏହା ସବୁବେଳେ ମିଛ ପ୍ରତିଶ୍ରୁତି ଦେଇଥାଏ। ସେମାନେ ବୀରାଙ୍ଗନାଙ୍କ ସାମ୍ନାରେ ଠିଆ ହୋଇପାରିବେ ନାହିଁ ।
ଭାଜପା ରାଜ୍ୟ ଅଧ୍ୟକ୍ଷ ସତୀଶ ପୁନିଆ କହିଛନ୍ତି ଯେ ପୁଲୱାମା ଶହୀଦଙ୍କ ସ୍ତ୍ରୀମାନେ ଏବଂ ଆମର ନେତା ଅପମାନିତ ହୋଇଥିଲେ। ଆମେ ଏହାକୁ ବିରୋଧ କରୁଛୁ। ଆଗାମୀ ଦିନରେ ରାଜସ୍ଥାନରେ ‘ଜନ ଆକ୍ରୋଶ’ ଅଭିଯାନ ଆରମ୍ଭ ହେବ, ଯେଉଁଠାରେ ଆମେ କୃଷକଙ୍କ ଋଣ ଛାଡ, ଦୁର୍ନୀତି ଭଳି ପ୍ରସଙ୍ଗ ଉଠାଇବୁ।
