ପୋର୍ଟିମାଓ, ୨୫ା୧୦ (ଏପି)-ମର୍ସିଡିଜ୍ ଟିମ୍ମେଟ୍ ଭାଲଟେରି ବୋଟାସ୍ଙ୍କୁ ପଛରେ ପକାଇ ଲୁଇସ୍ ହାମିଲଟନ ପର୍ତ୍ତୁଗିଜ୍ ଫର୍ମୁଲା ଓ୍ବାନ ଗ୍ରାଁ ପ୍ରି ପାଇଁ ପୋଲ୍ ପୋଜିଶନ ହାସଲ କରିଛନ୍ତି। ଏହା ହେଉଛି ତାଙ୍କ କ୍ୟାରିୟରର ୯୭ତମ ପୋଲ ପୋଜିଶନ। ରବିବାର ରେସ୍ରେ ଯଦି ସେ ବିଜୟ ହାସଲ କରନ୍ତି ତେବେ ଏହା ତାଙ୍କର ୯୨ତମ ଫର୍ମୁଲା ଓ୍ବାନ୍ ଟାଇଟଲ ହେବ। ସେ କିମ୍ବଦନ୍ତୀ ମାଇକେଲ ସୁମାକରଙ୍କୁ ପଛରେ ପକାଇ ସର୍ବକାଳୀନ ରେକର୍ଡର ଅଧିକାରୀ ହେବେ। ଦୁଇ ସପ୍ତାହ ପୂର୍ବେ ଜର୍ମାନୀରେ ଅନୁଷ୍ଠିତ ଇଫେଲ ଗ୍ରାଁ ପ୍ରିରେ ବିଜୟ ହାସଲ ପରେ ହାମିଲଟନ ସୁମାକରଙ୍କ ଫର୍ମୁଲା ଓ୍ବାନ୍ ରେକର୍ଡ ୯୧ର ସମକକ୍ଷ ହୋଇଥିଲେ। ଏଠାରେ ଶନିବାର ଅନୁଷ୍ଠିତ କ୍ୱାଲିଫାଇଙ୍ଗ ରେସ୍ରେ ସେ ବୋଟାସ୍ଙ୍କୁ .୧ ସେକେଣ୍ଡ ପଛରେ ପକାଇ ଦେଇଥିଲେ। ରେଡ୍ ବୁଲ୍ର ମାକ୍ସ ଭଷ୍ଟର୍ର୍ାପେନ୍ .୨୫ ସେକେଣ୍ଡ ପଛରେ ତୃତୀୟ ଏବଂ ଫେରାରିର ଚାଲର୍ସ ଲେକ୍ରେକ୍ ଚତୁର୍ଥ ହୋଇଥିଲେ। ପୂର୍ବତନ ଫର୍ମୁଲା ଓ୍ବାନ ଚାମ୍ପିୟନ କିମି ରାଇକୋନେନଙ୍କ ସମେତ ୫ ଡ୍ରାଇଭର କ୍ୟୁ-୧ରୁ ବାଦ୍ ପଡ଼ିଯାଇଥିଲେ।
