![](https://www.dharitri.com/wp-content/uploads/2022/08/40-3.jpg)
ତେନ୍ତୁଳିଖୁଣ୍ଟି,୨୬।୮(ଡି.ଏନ୍.ଏ.): ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ମଞ୍ଚାଗାଁ ପଞ୍ଚାୟତ ଅଧୀନ କେନ୍ଦୁଗୁଡ଼ା ଗ୍ରାମର ଲଗାଣ ବର୍ଷାରେ ମୋ ପୋଖରୀ ହୁଡ଼ା ଭାଙ୍ଗି ମଦନ ହରିଜନଙ୍କ ୨ ଏକର ଜମି, ପ୍ରଶାନ୍ତ ହରିଜନଙ୍କ ୧ ଏକର , ରବି ହରିଜନଙ୍କ ୧ ଏକର ଜମି ଉପରେ ଚିକିଟା ମାଟି ମାଡ଼ିଯାଇଛି। ଧାର କରଜ କରି ଫସଲ କରିଥିବା ଚାଷୀ ଏବେ ଋଣ ଶୁଝିବା ଚିନ୍ତାରେ।
ମୌସୁମୀ ବର୍ଷାରେ ଉଧାର କରି ଜମିରେ ଚାଷୀମାନେ ଚାଷ କରିଥିଲେ। ଫସଲ ଭଲ ମଧ୍ୟ ହୋଇଥିଲା। କିନ୍ତୁ ଲଗାଣ ବର୍ଷାରେ ପୋଖରୀ ହୁଡ଼ା ଭାଙ୍ଗିି ଜମିରେ ମାଟି ଚରିଯାଇଛି। ଫଳରେ ଫସଲ ସବୁ ନଷ୍ଟ ହୋଇଯାଇଛି। ଋଣ ଶୁଝିବା ଓ ପରିବାର ଚଳାଇବା ଚିନ୍ତାରେ ଏବେ ଚାଷୀ। ବିଭାଗୀୟ ଅଧିକାରୀ କ୍ଷେତ୍ର ପରିଦର୍ଶନ କରି କ୍ଷୟକ୍ଷତିର ଆକଳନ କରି ସହାୟତା ଯୋଗାଇଦେବାକୁ କ୍ଷତିଗ୍ରସ୍ତ ଚାଷୀ ଓ ଗ୍ରାମବାସୀ ଦାବି କରିଛନ୍ତି। ଏ ନେଇ ତେନ୍ତୁଳିଖୁଣ୍ଟି ତହସିଲଦାର ପ୍ରଦୀପ କୁମାର କରଙ୍କୁ ପଚାରିବାରୁ ରାଜସ୍ବ ନିରୀକ୍ଷକଙ୍କୁ ଘଟଣା ସମ୍ପର୍କରେ ଅବଗତ କରିବେ। କୃଷି ବିଭାଗ ଅଧିକାରୀ ଓ ରାଜସ୍ବ ନିରୀକ୍ଷକ ଘଟଣାସ୍ଥଳକୁ ଯାଇ କେତେ ପରିମାଣରେ ମାଟି ମାଡ଼ିଛି ତାହାର ତଦନ୍ତ କରିବେ। ରିପୋର୍ଟ ଆସିଲେ ସାହାଯ୍ୟ ପାଇଁ ଆବଶ୍ୟକ ପଦକ୍ଷେପ ନିଆଯିବ ବୋଲି ସେ କହିଛନ୍ତ।