ବମ୍ବେ: ଦୀର୍ଘଦିନର ବ୍ୟବଧାନ ପରେ ବଡ଼ ପରଦାକୁ ଫେରୁଛନ୍ତି ନୀଳ ନୟନା ଐଶ୍ୱର୍ଯ୍ୟା ରାୟ। ନିର୍ଦ୍ଦେଶକ ମଣି ରତ୍ନମଙ୍କ ଫିଲ୍ମ ‘ପୋନ୍ନିୟିନ ସେଲବନ’ରେ ସେ ନଜର ଆସିବେ। ବୁଧବାର ଏହାର ପ୍ରଥମ ପୋଷ୍ଟର ରିଲିଜ ହୋଇଛି। ଏଥିରେ ଐଶ୍ୱର୍ଯ୍ୟାଙ୍କୁ ଲାଲ୍ ଏବଂ ସୁନେଲୀ ରଙ୍ଗର ଶାଢ଼ିରେ ଦେଖିବାକୁ ମିଳିଛି। ଅଭିନେତ୍ରୀ ନିଜେ ମଧ୍ୟ ସୋସିଆଲ ମିଡିଆରେ ଏହାର ଫଟୋ ଶେୟାର କରିଛନ୍ତି।
ତେବେ ଫିଲ୍ମଟି କାଳ୍ପୀ କୃଷ୍ଣାମୂର୍ତ୍ତିଙ୍କ ଦ୍ୱାରା ଲିଖିତ ମହାକାବ୍ୟ ‘କାଳ କେ ଉପନ୍ୟାସ’ ଉପରେ ଆଧାରିତ। ଏଆର୍ ରେହମାନ୍ ଫିଲ୍ମର ଗୀତ କମ୍ପୋଜ କରିଛନ୍ତି। ଏଥିରେ ଐଶ୍ୱର୍ଯ୍ୟାଙ୍କ ସମେତ ବିକ୍ରମ, ଜୟମ ରବି, ତ୍ରିଶା, ସରଥ କୁମାର ପ୍ରମୁଖ ନଜର ଆସିବେ। ଦୁଇ ଭାଗରେ ଏହା ପରଦାକୁ ଆସିବ। ପ୍ରଥମ ଭାଗ ସେପ୍ଟେମ୍ବର ୩୦ରେ ରିଲିଜ ହେବ। ପ୍ରଶଂସକମାନେ ଫିଲ୍ମକୁ ନେଇ ବେଶ ଉତ୍ସାହିତ ଅଛନ୍ତି।
