କାନପୁର,୨୦।୪: ଉତ୍ତର ପ୍ରଦେଶର କାନପୁରଠାରେ ହାଓ୍ବଡା-ନୂଆଦିଲ୍ଲୀ ପୂର୍ବା ଏକ୍ସପ୍ରେସର ୧୨ଟି କୋଚ୍ ଶନିବାର ସକାଳେ ଲାଇନ୍ଚ୍ୟୁତ ହୋଇଥିବା ସୂଚନା ମିଳିଛି। ଏଥିରେ କେବଳ ୩ ଜଣ ଆହତ ହୋଇଥିବା ବେଳେ ସେମିତି କିଛି ବିଶେଷ କ୍ଷତି ହୋଇ ନ ଥିବା ଜଣାପଡିଛି। ଏହି ଦୁର୍ଘଟଣା ଯୋଗୁ ନର୍ଥ ସେଣ୍ଟ୍ରାଲ ରେଲଓ୍ବେର ୧୧ଟି ଟ୍ରେନ୍କୁ ବାତିଲ କରାଯିବା ସହ ୮ର ଦିଗ ପରିବର୍ତ୍ତନ କରାଯାଇଛି। ସେହିପରି ଇଷ୍ଟ ସେଣ୍ଟ୍ରାଲ ରେଲଓ୍ବେର ୨୪ଟି ଟ୍ରେନ୍ର ଗତିପଥରେ ମଧ୍ୟ ପରିବର୍ତ୍ତନ କରାଯାଇଛି। ଉଦ୍ଧାର କାର୍ଯ୍ୟ ଜାରି ରହିଛି।