ସିଙ୍ଗାପୁର,୧।୩: ଅଷ୍ଟ୍ରେଲିଆର ଆଲେକ୍ସେଇ ପୋପିରିନ୍ ସିଙ୍ଗାପୁର ଏଟିପି ଟାଇଟଲ ହାସଲ କରିଛନ୍ତି। ରବିବାର ଅନୁଷ୍ଠିତ ଫାଇନାଲ ମ୍ୟାଚ୍ରେ ସେ କାଜାଖସ୍ତାନର ଆଲେକଜାଣ୍ଡର ବଲବିକ୍ଙ୍କୁ ୪-୬, ୬-୦, ୬-୨ସେଟ୍ରେ ପରାସ୍ତ କରି ଚାମ୍ପିୟନ ହୋଇଛନ୍ତି। ପ୍ରଥମ ସେଟ୍ରେ ପରାସ୍ତ ହୋଇଥିଲେ ମଧ୍ୟ ପରେ ସେ ଜବରଦସ୍ତ ପ୍ରତ୍ୟାବର୍ତ୍ତନ କରିଥିଲେ ଓ ବାକି ଦୁଇଟି ସେଟ୍ ଜିତିନେଇଥିଲେ। ଅନ୍ୟପଟେ ବଲବିକ୍ ଚତୁର୍ଥ ଥର ପାଇଁ କୌଣସି ଏଟିପି ଟୁର୍ନାମେଣ୍ଟର ଫାଇନାଲରେ ପରାସ୍ତ ହୋଇ ଟାଇଟଲ ହାସଲରୁ ବଞ୍ଚିତ ହୋଇଛନ୍ତି। ୨୧ ବର୍ଷୀୟ ପୋପିରିନ୍ ସେମିଫାଇନାଲରେ ମାରିନ୍ ସିଲିକଙ୍କୁ ଶନିବାର ୭-୬, ୭-୬ ସେଟ୍ରେ ହରାଇ ଫାଇନାଲକୁ ଉଠିଥିଲେ।
ସେହିପରି ଡବଲ୍ସରେ ବେଲଜିୟମ ଯୋଡି ସାଣ୍ଡର ଗାଇଲ ଓ ଜୋରାନ ଭିଲିଜେନ ୬-୨, ୬-୩ ସେଟ୍ରେ ଅଷ୍ଟ୍ରେଲିଆର ମାଥ୍ୟୁ ଏବଡେନ ଓ ଜନ ପାଟ୍ରିକ ସ୍ମିଥ୍ଙ୍କୁ ହରାଇ ଚାମ୍ପିୟନ ହେବାର ଗୌରବ ଅର୍ଜନ କରିଛନ୍ତି।