କୋଲକାତା,୮।୧୧: ପଶ୍ଚିମବଙ୍ଗରେ ନିର୍ବାଚନ ପରବର୍ତ୍ତୀ ହିଂସା ମାମଲାରେ ହାଇକୋର୍ଟ କଠୋର ନିର୍ଦ୍ଦେଶ ଦେଇଛନ୍ତି। ଏହି ମାମଲାରେ ନୂତନ ତଦନ୍ତ ରିପୋର୍ଟ ଦାଖଲ କରିବାକୁ କୋଲକାତା ହାଇକୋର୍ଟ ଉଭୟ ସିବିଆଇ ଏବଂ ଏସଆଇଟିଙ୍କୁ ନିର୍ଦ୍ଦେଶ ଦେଇଛନ୍ତି। ମାମଲାର ପରବର୍ତ୍ତୀ ଶୁଣାଣି ଡିସେମ୍ବର ୨୩ରେ ହେବ। ସିବିଆଇ ଏବଂ ଏସଆଇଟିକୁ ସେହି ଦିନ ହିଂସା ମାମଲାରେ ଏକ ନୂତନ ତଦନ୍ତ ରିପୋର୍ଟ ଦାଖଲ କରିବେ।
ସିବିଆଇ ଏବଂ ଏସଆଇଟି ଟିମ ପଶ୍ଚିମବଙ୍ଗ ନିର୍ବାଚନ ପରବର୍ତ୍ତୀ ହିଂସା ସମ୍ପର୍କରେ ଅକ୍ଟୋବର ୪ ରେ କୋଲକାତା ହାଇକୋର୍ଟରେ ଏକ ରିପୋର୍ଟ ଦାଖଲ କରିଥିଲେ। କିନ୍ତୁ ସୋମବାର ଏହି ମାମଲାର ଶୁଣାଣି ପରେ କଲିକତା ହାଇକୋର୍ଟର ମୁଖ୍ୟ ବିଚାରପତି ପ୍ରକାଶ ଶ୍ରୀବାସ୍ତବ ଏବଂ ଆଇପି ମୁଖାର୍ଜୀଙ୍କ ନେତୃତ୍ୱରେ ଗଠିତ ଖଣ୍ଡପୀଠ ମାମଲାରେ ଏକ ନୂତନ ତଦନ୍ତ ରିପୋର୍ଟ ଦାଖଲ କରିବାକୁ କହିଛନ୍ତି।
ନିର୍ବାଚନ ପରେ ହିଂସା ଯୋଗୁଁ ଗୃହହୀନ ହୋଇପଡିଥିବା ଲୋକଙ୍କ ବିଷୟରେ କଲିକତା ହାଇକୋର୍ଟ ଆଡଭୋକେଟ ଜେନେରାଲଙ୍କଠାରୁ ଏକ ରିପୋର୍ଟ ଲୋଡିଛନ୍ତି। ଅପରପକ୍ଷରେ ସିବିଆଇ ପକ୍ଷରୁ କୋର୍ଟଙ୍କୁ ସୂଚନା ଦିଆଯାଇଛି ଯେ ଏପର୍ଯ୍ୟନ୍ତ ୪୦ ଟି ଏଫଆଇଆର୍ ପଞ୍ଜିକୃତ ହୋଇଛି।