ଚେନ୍ନାଇ,୬।୧୨ : ମଙ୍ଗଳବାର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ସମଗ୍ର ଦେଶ ସମ୍ବିଧାନର ନିର୍ମାତା ବାବାସାହେବ ଡକ୍ଟର ଭୀମରାଓ ଆମ୍ବେଡକରଙ୍କୁ ତାଙ୍କ ପୁଣ୍ୟ ତିଥିରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ଦେଶବାସୀ ତାଙ୍କ ଅବଦାନକୁ ସର୍ବଦା ମନେ ରଖିବେ ବୋଲି କହିଛନ୍ତି।
ଅନ୍ୟପକ୍ଷରେ, ତାମିଲନାଡୁର କୁମ୍ବାକୋଣମରେ ବାବାସାହେବଙ୍କ ଏକ ପୋଷ୍ଟର ଲଗାଯାଇଛି। ଇନ୍ଦୁ ମକ୍କାଲ କାଚି ଦ୍ୱାରା ଏଭଳି ପୋଷ୍ଟର ଲଗାଯାଇଛି ଯାହାକୁ ନେଇ ରାଜନୈତିକ ବିବାଦ ଦେଖାଦେଇଛି। ତେବେ ଇନ୍ଦୁ ମକ୍କାଲ କାଚି ପ୍ରତିଷ୍ଠାତା ଅର୍ଜୁନ ସମ୍ପତ ଏହି ପୋଷ୍ଟରଗୁଡ଼ିକ ବିଷୟରେ କହିଛନ୍ତି ଯେ ଆମ୍ବେଡକର ଜଣେ ଜାତୀୟ ନେତା।
ପୋଷ୍ଟରରେ ବାବାସାହେବଙ୍କୁ ଗୈରିକ ପୋଷାକ ପିନ୍ଧିଥିବାର ଚିତ୍ର ରହିଛି। ଏହାକୁ ନେଇ ରାଜନୈତିକ ବିବାଦ ଘନେଇବାରେ ଲାଗିଛି।