ପାର୍ଟି କିମ୍ବା ଉତ୍ସବ ସମୟରେ ନିଜକୁ ଭିନ୍ନ ଲୁକ୍ ଦେବା ପାଇଁ ଶାଢ଼ି ଓ ଡ୍ରେସ ସହିତ ମ୍ୟାଚିଂ ହେଲାଭଳି ଇୟରରିଂ, ନେକ୍ଲେସ୍, ଚପଲ ଆଦି ସମସ୍ତେ ପିନ୍ଧନ୍ତି। ଆଜିକାଲି ଫ୍ୟାଶନରେ ପୋଟଳି ବ୍ୟାଗ୍ର ବି ଢେର୍ ଚାହିଦା ରହିଛି। ତେବେ କେଉଁ ଡ୍ରେସ୍ରେ କେଉଁ ପ୍ରକାରର ବ୍ୟାଗ୍ ବ୍ୟବହାର କରିବେ ଜାଣିରଖନ୍ତୁ…
ବାହାଘର ପାର୍ଟିରେ ସାଧାରଣତଃ କାରୁକାର୍ଯ୍ୟ ହୋଇଥିବା ଓଜନିଆ ଶାଢ଼ି ପିନ୍ଧିବାକୁ ଭଲ ଲାଗେ। ଶାଢ଼ି ସହିତ ମ୍ୟାଚିଙ୍ଗ୍ କରି ସବୁ କିଛି ପିନ୍ଧିବାକୁ ପଡ଼େ। ତେବେ ପାର୍ଟିରେ ଟିକେ ଭିନ୍ନ ଲୁକ୍ ଦେବା ପାଇଁ ଆପଣ ଗୋଲ୍ଡେନ୍ ପୋଟଳି
ବ୍ୟାଗ୍ ବ୍ୟବହାର କରିପାରିବେ। ଏହା ଆପଣଙ୍କୁ ବ୍ରାଇଡାଲ୍ ଲୁକ୍ ଦେବ। ବନାରସୀ କିମ୍ବା କାଞ୍ଜିବରମ୍ ଶାଢ଼ିରେ ଏହା ବେଶି ସୁନ୍ଦର ଲାଗିବ।
ପାର୍ଟି କିମ୍ବା ଫଙ୍କ୍ସନ୍ରେ ସାଧାରଣତଃ ଆମେ ଲେହେଙ୍ଗା କିମ୍ବା ଅନାରକଲି ପିନ୍ଧିଥାଉ। ତେଣୁ ଡ୍ରେସ୍କୁ ମ୍ୟାଚିଙ୍ଗ୍ କରି ସେହି ରଙ୍ଗର ପୋଟଳି ବ୍ୟାଗ୍ ଧରନ୍ତୁ। ହ୍ବାଇଟ୍ ପରଲ୍ ବ୍ୟାଗ୍କୁ ଆପଣ ଯେ କୌଣସି ରଙ୍ଗର ଡ୍ରେସ୍ରେ ପକାଇପାରିବେ।
ପାର୍ଟିରେ କେତେଜଣ ଓ୍ବାନ-ପିସ୍ ବି ପିନ୍ଧିଥାନ୍ତି। ସେମାନେ ଏହି ସମୟରେ ଗୋଲ୍ ଆକାରର ଭେଲ୍ଭେଟ୍ ପୋଟଳି ବ୍ୟାଗ୍ ବ୍ୟବହାର କରି ନିଜକୁ ଷ୍ଟାଇଲିସ୍ ଲୁକ୍ ଦେଇପାରିବେ।
ଯଦି ଆପଣ ଶାଢ଼ି ପିନ୍ଧୁଛନ୍ତି ତେବେ ଏମ୍ବ୍ରୋଡୋରି ଥିବା
ପୋଟଳି ବ୍ୟାଗ୍ ଧରନ୍ତୁ। ଫିକା
ଶାଢ଼ି ସହ ରଙ୍ଗିନ୍ ପୋଟଳି ବ୍ୟାଗ୍ ବାଛନ୍ତୁ।
ସାଲ୍ଓ୍ବାର୍ କିମ୍ବା ସିମ୍ପଲ୍ କୁର୍ତ୍ତା ପିନ୍ଧିଥିଲେ ସେଥିରେ ଏଥେନିକ୍ ଡିଜାଇନ୍ର ପୋଟଳି ବ୍ୟାଗ୍ ଧରିଲେ ଟିକିଏ ଭିନ୍ନ ଲୁକ୍ ଦେବ।