ନାଉଗଁା,୨୦ା୧(ସ୍ବ.ପ୍ର.):ନାଉଗଁା ବ୍ଲକ ଅନ୍ତର୍ଗତ ତେଲସରା-କୋକିଡିହ ପୂର୍ତ୍ତ ବିଭାଗ ରାସ୍ତାର ପୁନଃ ନିର୍ମାଣ କାର୍ଯ୍ୟ ଚାଲୁ ରହିଛି। ଉକ୍ତ ୧୧ କିମି ରାସ୍ତାର ନିର୍ମାଣ ଓ ସମ୍ପ୍ରସାରଣ ପାଇଁ ବିଭାଗ ପକ୍ଷରୁ ୯ କୋଟିରୁ ଊର୍ଦ୍ଧ୍ୱ ଟଙ୍କା ବ୍ୟୟ ବରାଦ କରାଯାଇଛି। ମାତ୍ର ଏ ପର୍ଯ୍ୟନ୍ତ ରାସ୍ତା ନିର୍ମାଣ ଲାଗି କୌଣସି ସୂଚନାଫଳକ ଲଗାଯାଇନାହିଁ। ଏ ନେଇ କାର୍ଯ୍ୟର ସ୍ବଚ୍ଛତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ସେହିପରି ରାସ୍ତା ସମ୍ପ୍ରସାରଣ କରାଯାଉଥିଲେ ମଧ୍ୟ ରାସ୍ତା ମଧ୍ୟରେ ବିଦ୍ୟୁତ୍ ଖୁଣ୍ଟ ରହିଥିବା ଜଣାପଡ଼ିଛି। ଏହାଦ୍ୱାରା ଯାନବାହନ ଯାତାୟାତ ସମୟରେ ଅସୁବିଧା ହୋଇ ଦୁର୍ଘଟଣା ଘଟିବାର ଆଶଙ୍କା ରହିଛି। ନିୟମାନୁସାରେ ରାସ୍ତା ନିର୍ମାଣ ପୂର୍ବରୁ ଉକ୍ତ ବିଦ୍ୟୁତ୍ ଖୁଣ୍ଟ ହଟାଯାଇ ରାସ୍ତା ନିର୍ମାଣ କରାଯିବା କଥା। କିନ୍ତୁ ବିଦ୍ୟୁତ୍ ଓ ପୂର୍ତ୍ତ ବିଭାଗ ମଧ୍ୟରେ ସମନ୍ବୟ ଅଭାବରୁ ଏ ପର୍ଯ୍ୟନ୍ତ ଖୁଣ୍ଟ ହଟାଯିବା ନେଇ କୌଣସି ବ୍ୟବସ୍ଥା କରାଯାଇନାହିଁ।
ସରକାରୀ ନିୟମ ଅନୁଯାୟୀ, ରାସ୍ତା ନିର୍ମାଣ ପୂର୍ବରୁ ପୂର୍ତ୍ତ ବିଭାଗ ପକ୍ଷରୁ ବିଦ୍ୟୁତ ବିଭାଗକୁ ରାସ୍ତାରୁ ଖୁଣ୍ଟ ହଟାଇବା ପାଇଁ ଚିଠି କରାଯିବ। ଏହି ଚିଠି ଅନୁସାରେ ବିଦ୍ୟୁତ୍ ବିଭାଗ ପକ୍ଷରୁ ଖୁଣ୍ଟ ହଟାଇବା ପାଇଁ କେତେ ଅର୍ଥ ବ୍ୟୟ କରାଯିବ ସେଥିପାଇଁ ବ୍ୟୟ ଆକଳନ କରାଯାଇ ପୂର୍ତ୍ତ ବିଭାଗକୁ ପଠାଯିବ। ଏହି ଅନୁସାରେ ପୂର୍ତ୍ତ ବିଭାଗ ପକ୍ଷରୁ ଉକ୍ତ ଅର୍ଥ ବିଦ୍ୟୁତ୍ ବିଭାଗକୁ ପୈଠ କରାଯିବ। ପରେ ବିଦ୍ୟୁତ୍ ବିଭାଗ ପକ୍ଷରୁ ଖୁଣ୍ଟ ହଟାଇବା ପାଇଁ ବିଧିବଦ୍ଧ ବ୍ୟବସ୍ଥା ହେବ। କିନ୍ତୁ ଏ ନେଇ କୌଣସି ପଦକ୍ଷେପ ନିଆ ନ ଯାଇ ୩ ସ୍ଥାନରେ ବିଦ୍ୟୁତ୍ ଖୁଣ୍ଡ ଥାଇ ରାସ୍ତା ନିର୍ମାଣ କରାଯାଇଛି। ଏଥିପ୍ରତି ବିଭାଗ ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି।
ଏ ସମ୍ପର୍କରେ ପୂର୍ତ୍ତ ବିଭାଗର ଯନ୍ତ୍ରୀ ବଳରାମ ସ୍ବାଇଁ କହିଛନ୍ତି, ଖୁଣ୍ଟ ଉଠାଇବା ପାଇଁ ବିଦ୍ୟୁତ୍ ବିଭାଗକୁ ବ୍ୟୟ ଆକଳନ ପାଇଁ ଚିଠି କରାଯାଇଛି। ଏହା ଆସିବା ପରେ ପରବର୍ତ୍ତୀ ବ୍ୟବସ୍ଥା କରାଯିବ। ସେହିପରି ଟାଟା ପାଓ୍ବାରର ନାଉଗଁା ଶାଖା ଲିଡ ମ୍ୟାନେଜର ଦୀପକ ଭୂୟଁା କହିଛନ୍ତି, ଦୁଇଦିନ ହେବ ପୂତ୍ତର୍ର୍ ବିଭାଗର ଚିଠି ହସ୍ତଗତ ହୋଇଛି। ଖୁବ୍ଶୀଘ୍ର ବ୍ୟୟ ଆକଳନ କରାଯାଇ ବିଭାଗକୁ ପଠାଯିବ।