ପାଟଣା,୬।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗା ପଞ୍ଚାୟତ ଡୁମୁରିଗୁଡା ଗ୍ରାମର ନେଉଳିଜୁଳି ନାଳ ନିକଟ ଗାଁ ଶ୍ମଶାନରେ ମଙ୍ଗଳବାର ପିପିଇ କିଟ୍, ଫେସ ସିଲଡ଼, ବ୍ୟବହୃତ ହୋଇଥିବା କିଛି ମାସ୍କ ଓ ହେଡକ୍ୟାପ ପଡିଥିବା ଦେଖିବାକୁ ମିଳିଛି। ମଶାଣିରେ ଏସବୁ କୋଭିଡ୍ ସାମଗ୍ରୀ ଫିଙ୍ଗା ଯାଇଥିବା ଦେଖି ଲୋକେ ଭୟଭୀତ ଅବସ୍ଥାରେ ଅଛନ୍ତି। ଏଥି ମଧ୍ୟରୁ କେତକ ସାମଗ୍ରୀ ବ୍ୟବହାର ହୋଇ ନଥିବା ଜଣା ପଡୁଥିବା ବେଳେ କେତେକ ସାମଗ୍ରୀ ବ୍ୟବହାର ପରେ ଏଠାରେ ଫିଙ୍ଗା ଯାଇଥିବା ଦେଖିବାକୁ ମିଳିଛି। ଏସବୁ ସାମଗ୍ରୀ ପଡିଥିବା ଦେଖି ଲୋକେ ଭୟଭୀତ ହୋଇ ପଡିଛନ୍ତି। ତେବେ ଏସବୁ କିଏ ଓ କାହିଁକି ଏଭଳି ପକାଇଛନ୍ତି ତାହା ଜଣା ପଡ଼ିନାହିଁ।