ମୁମ୍ବାଇ: ବଲିଉଡ୍ ରାପର ତଥା ସଙ୍ଗୀତ ନିର୍ଦ୍ଦେଶକ ରଫ୍ତାର କରୋନା ଆକ୍ରାନ୍ତ ହୋଇଛନ୍ତି। ତାଙ୍କ କରୋନା ରିପୋର୍ଟ ପଜିଟିଭ୍ ଆସିଥିବା ସେ ନିଜେ ସୋସିଆଲ ମିଡିଆରେ ସୂଚନା ଦେଇଛନ୍ତି। ପ୍ରଶଂସକଙ୍କ ସହ ଏକ ଅପ୍ଡେଟ୍ ଶେୟାର କରି କହିଛନ୍ତି, ସେ ହେ୍ାମ୍ କ୍ୱାରାଣ୍ଟାଇନ୍ରେ ଅଛନ୍ତି। ସେ ଏହା ମଧ୍ୟ କହିଛନ୍ତି, ତାଙ୍କର ପରବର୍ତ୍ତୀ ରିପୋର୍ଟକୁ ଅପେକ୍ଷା କରିଛନ୍ତି। କାରଣ ସେ ନିଜକୁ ସୁସ୍ଥ ଅନୁଭବ କରୁଛନ୍ତି। ଯାନ୍ତ୍ରିକ ତ୍ରୁଟି ଯୋଗୁ ତାଙ୍କର ପଜିଟିଭ୍ ଆସିଥାଏ ପାରେ ବୋଲି କହିଛନ୍ତି। ସେ ଏକ ରିୟାଲିଟି ଶୋ’ର ଶୁଟିଂ ଆରମ୍ଭ କରିବା ପୂର୍ବରୁ ନିଜର କୋଭିଡ୍ ଟେଷ୍ଟ କରାଇଥିଲେ। ସେ ତାଙ୍କ ପ୍ରଶଂସକମାନଙ୍କୁ କହିଛନ୍ତି, ମୋ’ ପାଇଁ ଆଦୌ ବ୍ୟସ୍ତ ହୁଅନ୍ତୁ ନାହିଁ। ମୁଁ ସମ୍ପୂର୍ଣ୍ଣ ସୁସ୍ଥ ଅଛି। ବିଏମ୍ସି କହିବା ଅନୁସାରେ ମୁଁ ଆଇସୋଲେଶନ୍ରେ ରହୁଛି। ନିଜକୁ ଅଲଗା ରଖିବା ମୋ’ କର୍ତ୍ତବ୍ୟ। ବ୍ୟସ୍ତ ହୁଅ ନାହିଁ। ମୁଁ ମୋ’ ସ୍ବାସ୍ଥ୍ୟ ସମ୍ପର୍କରେ ଆପଣମାନଙ୍କୁ ଅପ୍ଡେଟ୍ ଦେବି ବୋଲି ରାପର ରଫ୍ତାର ପ୍ରଶଂସକମାନଙ୍କୁ କହିଛନ୍ତି।