ହାଇଦ୍ରାବାଦ: ସୁପରଷ୍ଟାର ପ୍ରଭାସଙ୍କ ପାଇଁ ପ୍ରଶଂସକ ଲେଖିଲେ ସୁଇସାଇଡ୍ ନୋଟ୍। ସେ ବି ତାଙ୍କ ଆଗାମୀ ଫିଲ୍ମ ‘ରାଧେ ଶ୍ୟାମ’ ସହ ଜଡିତ ଅପ୍ଡେଟ୍ ଶେୟାର ନ କରିବା ଲାଗି। କଥାଟି ଆଶ୍ଚର୍ଯ୍ୟ କଲେ ହେଁ ସତ। ବିଭିନ୍ନ ସୋସିଆଲ ମିଡିଆରେ ଏବେ ଏହି ନୋଟ୍ ଭାଇରାଲ ହେଉଛି।
ପ୍ରଶଂସକ ଲେଖିଛନ୍ତି, ଜୀବନରେ ସେ କେବେହେଲେ ଚିଠି ଲେଖିନାହାନ୍ତି। ହେଲେ ପ୍ରଥମ ଥର ପାଇଁ ଏକ ଫିଲ୍ମ ପାଇଁ ସୁଇସାଇଡ୍ ନୋଟ୍ ଲେଖୁଛନ୍ତି। ଦୀର୍ଘଦିନ ଧରି ସେ ପ୍ରଭାସଙ୍କ ଫିଲ୍ମର ଅପ୍ଡେଟ୍ ପାଇଁ ଅପେକ୍ଷା କରିଛନ୍ତି। ହେଲେ ନିର୍ମାତାମାନେ ପ୍ରଶଂସକଙ୍କ କଥା ଶୁଣୁନାହାନ୍ତି। ସେମାନଙ୍କ କଥା ନିର୍ମାତାଙ୍କ କାନ ଯାଏ ପହଞ୍ଚୁନାହିଁ। ବହୁତ ହୋଇଗଲା। ଆଉ ପଚରାଯିବନାହିଁ।
ତେବେ ରାଧେଶ୍ୟାମ ଫିଲ୍ମକୁ ନେଇ ପ୍ରଶଂସକଙ୍କ ପାଖରେ ପର୍ଯ୍ୟାପ୍ତ ସୂଚନା ନାହିଁ। କାରଣ ପୂର୍ବରୁ ଫିଲ୍ମର ରିଲିଜ ତାରିଖ ସହ ଟିଜର ରିଲିଜ ହୋଇ ସାରିଛି। ଏଣୁ ଏଭଳି ଯୁକ୍ତି ଭିତ୍ତିହିନ। ତାଙ୍କୁ ଏ ନେଇ ଜାଣିନେବା ଉଚିତ ଥିଲା ବୋଲି ଲୋକେ ପ୍ରତିକ୍ରିୟା ଦେଉଛନ୍ତି।